網民熱議：單身人士應唔應該買開放式單位？租開放式單位好過買？開放式會住到令人抑鬱？

開放式單位租好過買？單身租樓住比買樓更好？
樓主表示自已現時單身及有350萬左右嘅預算買樓，問到究竟買唔買開放式嘅單位作自住用好：「無父幹，目前積蓄同收入只係夠買開放式做姑婆屋，Budget 350萬左右，定係儲多幾年買一房好？」。對於應唔應該買開放式單位呢個問題，有網民就建議先租住會比起買更加好：「建議租一年開放式試吓先，買真係不了 ，下半世供間豆潤咁細嘅狗屋」、「建議細既(嘅)開放式真係唔好買，租就算，買得開放式，之後結婚個d(啲)想換大好難」，亦有網民認為於單身嘅情況下，租樓會係更好嘅選擇：「單身租好過買，第一因為你好難確保你會遇到另一半搬入黎(嚟)而且生小朋友，第二係買兩房可以同朋友分租，第三係一房比較難賣，租出去都還可以」。

有網民認為租住開放式嘅單位會比起買更好，日後有需要搬往更大單位時會較方便。

亦有網民認為單身時比起買樓更應租樓，以免誤買入不適合日後生活需要的單位。

買樓最少都要買一房？開放式單位難以轉售？
對於買樓，有不少網民就認為買樓其實最少要買有一房嘅單位，紛紛建議樓主唔好買開放式單位：「有能力至少一房，最多個廳細D(啲)，訓(瞓)覺真係有獨立空間好D(啲)」、「買一房起碼叫做可以生活到先，真心建議唔好為買而買，儲多少少錢先」、「0,1,2,3,4房我都住過，我敢講句，開放式係垃圾，同一房已經差好遠，唔係講緊面積問題，係住落嘅感覺問題，除非你有d(啲)難處一定要即刻買樓搬出去，如果唔係不如儲多d(啲)買一房」，亦有網民就認為若買開放式單位，單位於將來會難以再轉售：「開放式好難放出去，有間房，換衫都方便啲」、「開放式仲要無房，水份太高，好易蟹」。

有網民指買樓最少要買有一間房的單位，開放式單位並不值得購買。

有網民亦指購入開放式單位或於日後難以再轉售。

開房式單位冇私隱？會住到令人抑鬱？
網民亦討論到究竟住開放式嘅單位有咩問題，有網民就認為開放式單位難以作長住：「開放式好難長住，頂多住一兩年，除非你無咩衫褲鞋，唔煮飯，唔會wfh，實行斷捨離」、「開放式只適合短期居住」，亦有網民認為開放式單位私隱度差，不適合邀請朋友回家：「開房式私隱差d(啲)，有frd黎(嚟)睇哂你張床所有野(嘢)，如果要搞一大輪遮掩，不如買一房」，更有網民直指住開放式單位會令人抑鬱：「千期(祈)唔好住開放式，會抑鬱，存多啲(錢)上一房啦，情願遠少少，開放式呢啲垃圾樓根本唔應該係呢個世界出現，真係每日都係生存緊既(嘅)感覺」。

有網民認為開放式單位私隱度不佳，不適合邀請客人到訪。

亦有網民認為居住於開放式的單位會令人抑鬱，每天只有在生存的感覺。

適合斷捨離主義者住？若樓底高其實幾好？
雖然有唔少網民都建議樓主唔應該買開放式嘅單位，不過亦有網民認為一個人住開放式單位其實並無問題：「你有逼切性出黎(嚟)住，一條友住冇乜所謂，你出去交租都係(喺)番(返)到(度)」、「自己住我覺得開放式都冇問題」，亦有網民認為開放式單位會較適合少雜物及唔會煮食嘅人住：「睇你生活習慣，你斷捨離主義者平時又唔煮餸煲湯既(嘅)冇房又有乜所謂」，更有網民指若單位樓底高的話，開放式單位其實唔錯：「開(放)式如果樓底高，可以分到上層訓(瞓)，下層活動，其實幾好」。

有網民認為斷捨離主義者以及不煮食的人會較適合住開放式單位。

亦有網民指若開放式單位的樓底夠高，可分為上下兩層活動的話，其實亦不錯。

text/Jonathan
photo/HKET圖片庫

========
同場加映：
【蝸居睇樓團】深井828呎變京都風和室 極chill山景咖啡吧 仿和紙屏風、嚴選木器傢俬