網民熱議：一到18歲就即刻申請公屋有冇用？單人申請冇用要排好耐？搵兄弟姊妹一齊排快好多？

夠18歲應即刻申請公屋？18歲排到42歲都未有？
樓主表示香港人一到18歲就應該馬上申請公屋，就算畢業後要審查入息都唔緊要：「18歲斷估你都係0收入，當你之後fg(Fresh Graduate)50k(月入)會悟(有)審查都俾半年你洗底，到時辭工去個長旅行輕鬆，所以夠18歲既(嘅)你，唔好猶豫，立即填表」。對於一到18歲就申請公屋有冇用，有網民就表示自己18歲時已申請公屋，足足等咗20幾年都仲未有公屋住：「我今年42歲，18歲排單人到依家都未有」

有網民指自己由18歲開始輪候公屋，到現時42歲亦未能成功輪候得到。

搵多個屋企人一齊排快好多？18歲即結婚申請亦得？
而有不少網民都指一人申請公屋輪候時間超長，建議應搵多一位家庭成員一同申請以縮短輪候時間：「一個人唔係老人邊排到，搵多個老人家親戚啦」、「一人申請等到40歲都未必有，最少要搵多個人同你一齊申請，父母，兄弟姊妹，祖父母，二人大約等6-7年左右就有」、「同兄弟姊妹排快好多，識人真係8年左右就有」，亦有網民指結婚後申請亦可行：「你18歲結咗婚就係」

有網民指二人申請公屋的輪候時間比起一人申請縮短了甚多，建議應與家庭成員一同申請公屋。

有網民則指一到18歲就結婚再去申請公屋亦可減少輪候時間。

入息上限太低申請都冇用？房屋署唔會主動查入息？
亦有網民指出公屋申請資格嘅入息上限太低，認為申請輪候公屋都冇用：「排黎(嚟)無用，個入息(上限)咁低，你一做野(嘢)就爆啦」，有網民就建議可做一啲以現金出糧嘅工作：「搵份炒散保安」，不過有網民就質疑就算以現金出糧亦有可能被房屋署查到自己嘅入息收入：「想請教下(吓)，點解啲人出現金出票會查唔到既(嘅)咩？啲主任唔會去稅局查既(嘅)咩，就算冇供老強(意指強積金)公司都報你稅啦」，有網民就解釋指除非被抽中作詳細審查，否則房屋署只會主動調查申請人係咪擁有物業：「房署會假設你所交嘅資料都係真確，唔會主動去查，除非你被抽中做詳細審查，房署會主動查嘅就只有你是否擁有物業」

有網民指公屋申請資格的入息上限太低，有工作就難以達到要求。

有網民則指房屋署不會主動調查申請人的真實入息，會以申請人提交的資料作準，除非申請人被抽中需作詳細審查。

資料補充：公屋非長者一人申請分數計法及編配進度
據房屋署資料顯示，非長者一人申請者於計分制下，18歲申請者將獲0分，19歲獲9分，20歲獲18分，每一歲加9分，直至59歲獲369分為止，而於登記申請公屋後每多等一個月可多1分，另年屆45歲時，可獲一次性額外分數60分。但若申請者現居於房協或房署轄下的公屋單位，則會被扣30分。而現時房屋署正在或將會安排詳細資格審查予分數於2023年1月1日已達425分的申請者。

據房屋署現時公屋的編配進度，公屋非長者一人申請者若由18歲開始申請公屋需輪候約20多年。

text/Jonathan
photo/HKET圖片庫

========
同場加映：
【蝸居睇樓團】開箱實試！灣仔新開酒店式服務住宅 雙面櫃間隔夠實用 300呎間到房、廳、梗廚