香港地最多細單位住宅，要怎樣劃分空間才可以盡用整個空間呢？今次就帶大家走訪灣仔上年年尾才開幕的酒店服務式住宅，實用面積只有 300 平方呎，但可以間出一房、一廳、一個梗廚同浴室，收納空間都尚算齊全，到底怎樣規劃空間而得出這樣理想的居住環境呢？
間隔好幫手：雙面櫃
善用空間同時又做到間隔，雙面櫃是個好幫手！傳統間隔都會用磚牆間隔，可惜牆身沒有其他功能，變相有點浪費空間。相反，雙面櫃間隔法就可以在分隔空間同時又有收納功能，變相一物二用，更符合香港的住宅需求。
犧牲最佳觀看電話距離
長方型廳兩端分別是客廳及飯廳。客飯廳比較窄長，如要電視對面擺放梳化，睇電視會略嫌有點辛苦。如果可以的話考慮安裝可轉換角度的電視托架，那麼就可以坐在飯廳或窗台旁睇電視。而且電視距離、角度還可以自行調整，更加方便。
房內還有足夠空間做瑜珈。
超正睡房：雙人床＋三邊落床
要放得落雙人床不難，但要不靠牆擺、做到三邊落床就好難。三邊落床有其好處，例如不需要跨過另一位落床而造成騷擾，睡眠質素更好，另外風水角度上，三邊落床對金錢運更好（只作參考）。雖然雙人床又有三邊落床好正，但就少些活動空間。
大地色是近年大熱，只要加點木色、藤編元素已經好有 feel。
廁所大同小異，同樣是乾濕分離。想感覺特別一點，就可以在牆身落工夫，用些彩色磚為細小空間帶點活力。
儲物空間全部收入高身櫃內，望落整齊舒服。
L 型梗廚麻雀雖小
L 型廚房相當實用，好配合生活動線，清洗食物後便可在旁處理食材，好方便。不少家庭為了有更多廚房空間，而將廚房改成開放式，空間的確大咗多咗，但就會油煙四散，日常清潔會好困難。或許選用嵌入式廚電就可以節省不少地方，盡量留出枱面空間，實用性就大大提升。
奕凨備有基本廚具、家電，但清潔用品、食油、調味料等就需要自備。
酒店式服務住宅都已經採用智能家電，不但可以透過電話應用程式操控燈具、電視開關，還可以當作出入門卡使用。
每間房都有拖鞋、風筒、燙斗及2KG啞鈴。
Ying Loft只有大概226呎，雖然未能間出一房一廳，但空間也相當夠用。
Ying Studio 和上文介紹的一房一廳呎數一樣，但就採用開放式設計，騰出更多活動空間，大家可因應自己需要再慢慢添置家具。
【info】
Ying'n Flo 奕凨
地址：灣仔灣仔峽道3-5號
電話：3182 7088
參考房價：日租 $900起、月租 $23,800起
網址：https://www.yingnflo.com/tc/locations/hong-kong-wan-chai-gap-road/
text/Priscilla
Photo/Jay
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
