商台DJ狂踩演唱會歌差舞差 梁詠琪騷後高EQ回應 大方表現贏盡樂迷支持

商台DJ梁文禮日前在FB大踩梁詠琪的演唱會「個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！」，又指Gigi的服裝是『着上一張抹完鼻血嘅紙巾』。

梁詠琪尾場請到Sammi鄭秀文任嘉賓，在完騷後亦大方回應評論「我諗其實每一個作品，唔止演唱會，可能係電影都好，有時睇完會有啲人鍾意，有啲人唔鍾意，咁每個人都會有自己抱住嘅期望或者佢哋嘅標準去睇一個作品，我覺得唔緊要嘅，我都承認自己仲有好大嘅進步空間係各方面，今次盡咗最大努力，未必符合到每個人嘅期望，不過唔緊要，我仲會繼續做㗎嘛，咁我仲有進步嘅時間，所以希望大家俾時間我進步，繼續再做好啲！」

點擊圖片放大

Gigi續說「我做足自己本份，我覺得有嚟睇嘅人中意就得啦，我覺得就得啦」。她表示完成今次演唱會後，亦希望未來會有巡迴演唱會。