商台DJ狂踩演唱會歌差舞差 梁詠琪騷後高EQ回應 大方表現贏盡樂迷支持

文: 黃卓瑩
2023.02.20

歌手梁詠琪(Gigi)日前於紅館舉行一連三場《梁詠琪 時間遇上我們》演唱會,不過在尾場演出之前就爆出商台DJ梁文禮在社交媒體多方面狠評演唱會做得差。梁詠琪在完騷後亦大方回應評論,高EQ的表現獲歌迷力撐。

商台DJ梁文禮日前在FB大踩梁詠琪的演唱會「個flow差,歌編得差,舞差,當然佢唱得差啦~ 其實都預咗,但係無諗過咁離譜,唱K咁!」,又指Gigi的服裝是『着上一張抹完鼻血嘅紙巾』。

梁詠琪尾場請到Sammi鄭秀文任嘉賓,在完騷後亦大方回應評論「我諗其實每一個作品,唔止演唱會,可能係電影都好,有時睇完會有啲人鍾意,有啲人唔鍾意,咁每個人都會有自己抱住嘅期望或者佢哋嘅標準去睇一個作品,我覺得唔緊要嘅,我都承認自己仲有好大嘅進步空間係各方面,今次盡咗最大努力,未必符合到每個人嘅期望,不過唔緊要,我仲會繼續做㗎嘛,咁我仲有進步嘅時間,所以希望大家俾時間我進步,繼續再做好啲!」

Gigi續說「我做足自己本份,我覺得有嚟睇嘅人中意就得啦,我覺得就得啦」。她表示完成今次演唱會後,亦希望未來會有巡迴演唱會。

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓