不論香港還是日本，日用品及食品都不斷加價，身為主婦，怎樣才可以精打細算慳住使呢？朝日新聞訪問咗日本主婦界慳家達人海老原葉月，分享如何以20,000日圓（約1,164港元）為預算，足夠成為一家三口一個月的食材費用！當你以為貼士就是去超級市場趁平大買特買，誰知剛好相反：海老原反而教大家「買少啲」！究竟點解呢？
唔好買太多食材 減少浪費過期食品
當唔少人以為慳返多啲「買餸錢」嘅秘訣，就係趁超級市場貨品減價時大量入貨，或者唔好錯過「買四送一」之類優惠時，海老原葉月反而話慳錢嘅重點，係唔好買太多嘢！因為原來好多人嘅雪櫃入面，都有大量因過期而要丟棄嘅食物，只要仔細計數，其實根本得不償失！所以海老原認為在購買食物時，盡量只買一個月份量嘅食材，而且在保存及考慮餐單時，都有技巧要配合，先可以發揮最大效用。
日本主婦界慳家達人海老原葉月。
海老原話慳「買餸錢」嘅最大重點，係唔好買過量，搞到食材過晒期要丟棄，反而得不償失，建議只買一個月內食得完嘅份量。
貼士1：只買一個月份量嘅食材
海老原建議大家喺每次去超級市場入貨前，先檢查清楚屋企剩餘嘅食材、日用品及調味料等份量。
用手機列出日常要入貨嘅食品及日用品有邊啲。
每次購物前計劃好是次邊啲食品要入貨。
買嘢時即使見到有減價貨品，都唔好輕易被價錢沖昏頭腦，記住：要盡量買一個月內食完嘅食材。
同類貨品，當然都要考慮份量同件數，邊款平啲。
購物之後，要記返低金額。
海老源建議大約每星期要整理一次記帳簿，會無咁容易亂使錢。
貼士2：先煮即將到期食材
海老原會將食材用收納箱分成三類：煮早餐用、肉類及芝士，以及一個叫「First」嘅類別。
原來「First」箱入面，係啲即將到期嘅食材，而食材包裝上亦會清楚寫明食物賞味期限。
而海老原喺考慮餐單時，會盡量將最快到期嘅食材先烹調。
海老原可以做到每人每餐嘅食材成本，平均只需150日圓（約8.7港元）。
海老原最後仲分享咗佢認為好重要嘅慳錢諗法：「唔好負面咁諗：我只有咁少錢，只能夠買到呢啲嘢；應該正面咁諗：既然我得咁少錢，就更應該好好地用得更有意義」。
text/joyce
========
同場加映：
【蝸居睇樓團】家宅易有火災 關風水事定命格問題？龍師傅話你知！ 火燒旺地係咪真？照片亂擺易影響家庭和睦！
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
