網友怒斥淘寶集運公司呃秤 重量計多一倍?客服竟用6字霸氣回覆

文: 黃樂恩
2023.02.25

許多港人淘寶購物時都會選擇集運,到貨時間不算太長,而且價格還會比直送便宜一大截。但最近有網友在討論區發帖,指自己被淘寶集運公司呃秤,集運重量計多一倍,其後更用自家磅跟客服理論,沒想到對方不單止堅持磅沒有問題,更表示要終止樓主的帳戶服務,即入內文睇睇啦!

日前有網友於LIHKG討論區發帖,直言自己被一間淘寶集運公司呃秤,所計算的重量計多一倍,其後更貼上跟集運公司的對話截圖,截圖中可見,事主在淘寶購物時找到一間集運幫忙運送,該集運重量為6KG、運費$52,扣除積分後為$42。

收到貨後,事主用自家磅磅貨後,發現磅數顯示為3.12KG,比所報的重量足足少近一半,懷疑集運公司呃秤,於是主動聯絡集運公司跟進事件。而集運公司回覆指,「你呢部超級舊嘅磅已經幫你特登問咗生產商」,指出事主所用的磅已在5年前停產,其後又指每一個磅的精準度不一,而且也會在出貨前先為物件磅重才包裹。

不過事主似乎不太相信集運公司的回覆,她表示「後日再揾第2個磅睇下,咁等我出埋倉果堆貨同餘額。」但集運公司竟回覆「唔使,全單免費俾你,不過會將你個帳戶終止服務,因為見到你有多次嘅不信任,我哋都唔希望有繼續大家爭論落去或者誤會。」其後集運公司更表示「你所有嘅貨,麻煩揾其他公司過嚟接收返」,明言不會再為事主轉運到香港。

帖文隨即引起網民熱論,有網民認為事主反應過激,直言「幾廿蚊運費拎個磅去磅」、「賺你幾十蚊咁X煩」、「人地都退錢囉 幾好 搞掂」。亦有網民分析指集運公司有機會按體積重計算,留言表示「體積重個集運公司app唔顯示出來」。

來源:LIHKG

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓