網民熱議:邊種款式嘅廁所馬桶最好用? 旋渦式沖水比直沖式沖水更好?入牆式設計維修麻煩?

文: U Magazine
2023.03.28

市面上嘅廁所馬桶有好多種款式,而究竟邊一款又會比較好用呢?早前有網民於連登討論區上求助,問邊一款嘅廁所馬桶好用,就引來一眾網民嘅熱烈討論。

網民推薦坐廁品牌:Duravit、Roca、Toto
樓主表示想更換屋企用咗20年嘅廁所馬桶,就問到無縫設計嘅馬桶好唔好用:「想換馬桶,邊款好?屋企係地去水,想換左(咗)個用左(咗)廿年嘅馬桶,都諗住睇大牌子,見而家有啲「無棱」設計無左(咗)邊位條坑,其實好唔好用?啲屎尿水會唔會易彈上黎(嚟)?」,對於樓主嘅提問,網民們就紛紛講出各自推薦嘅馬桶品牌:「Duravit」、「屋企用緊roca,平平地(哋)唔錯」、「Toto世一」,有網民就更推薦品牌Toto當中一款使用時會感到溫暖嘅馬桶:「Neorest啦,岩(啱)岩(啱)裝修買左(咗)兩個,天氣凍,坐落去暖粒粒」。

眾多的坐廁品牌當中,Duravit、Roca及Toto就獲得網民們的推薦。


旋渦式沖水設計更乾淨?比直沖式沖水設計少水花?
而有網民就指無縫設計嘅馬桶採用旋渦式沖水設計,於沖水時會比較乾淨,但需注意某品牌或需自行更換水喉以防生鏽:「我屋企同時有Toto直沖同漩渦,漩渦係會乾淨啲,唯一留意係Toto原裝上水喉係金屬,(用)咸(鹹)水過幾年會生鏽會漏,自己去順利建材買條網喉好啲」、「漩渦好,如果痴(黐)屎,可以去緊水時屙尿沖走佢」,有網民就另外問到旋渦式沖水設計,於沖廁時會唔會有水花彈起嘅問題:「旋渦式沖水係咪好用d(啲),唔會彈水?」,有網民則解答指旋渦式沖水設計會比起直沖式沖水設計少8成水花:「都會彈少少,比直沖式少8成左右」。

有網民指旋渦式沖水設計的坐廁會比直沖式沖水設計的坐廁更為乾淨。


亦有網民指旋渦式沖水設計的坐廁有效於沖廁時減少水花彈起。


買埋智能廁板冇後悔?入牆式坐廁維修麻煩?
除了坐廁之外,有網民就另推薦加裝智能廁板,更指一定唔會後悔:「裝埋洗pat pat廁板啦,包唔會後悔」、「買洗屎忽果(嗰)隻」。另外亦有網民問到入牆式設計嘅坐廁好唔好:「搭單問,入牆式果(嗰)啲,但冇乜人討論,有冇咩牌子推介?」,而有網民就回答指香港因使用鹹水沖廁,令馬桶容易壞而需要維修,當要維修入牆式設計嘅馬桶就會比較困難:「唔好玩自己,呢啲維修好難,香港行咸(鹹)水,啲馬桶好易壞要維修」。

有網民建議於購買新坐廁同時,應另加裝智能廁板。


有網民則指入牆式設計的座廁維修麻煩,不建議於香港使用。


text/Jonathan
photo/HKET圖片庫

========
同場加映:
【蝸居睇樓團】鴨脷洲37年舊樓變身玩味彩色屋+西班牙風花磚襯湖水綠色、chill爆全白天台

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓