無印良品嘅出品，深受全球各地嘅家品控歡迎，至於邊樣產品最好用，每個人都有唔同心水，究竟邊啲商品最受歡迎呢？無印良品官網公布咗2022年網店10大人氣商品排行榜，不如睇睇呢10樣商品，你有無入手？係咪都係你嘅心水？
第1位：塑膠文件分類收納箱（15x32x24cm，售價790日圓）
呢款堪稱無印良品最經典嘅招牌產品，由1996年開始發售，最初款式為半透明file形，後來接受顧客意見而改良形狀變盒形，同時推出不同大小，以更方便用家收納時，配合家具作出組合，而且用家認為質地好兼防水，文件文具以外，也適合收納各種雜貨，甚至放在浴室及茶水間等也適用。
第2位：絨面毛巾（34x85cm，售價390日圓）
使用有機棉，雖然略嫌比一般毛巾厚身，但耐用、吸水力強且感覺柔軟，用家都覺得點都起碼要有一條。
第3位：牛油雞肉咖喱即食包（180g，售價390日圓）
無印嘅即食咖喱包，口味多且一向深受歡迎，呢款牛油雞肉咖喱即食包，喺去年6月嘅「即食咖喱人氣投票」獲得冠軍！唔食得辣嘅人都啱食，而且新嘅改良版更使用三款唔同種類蕃茄，酸味、甜味及印度香料味道達到平衡，同時雞肉份量加多咗，好多日本網民都話好食！
第4位：軟身塑膠收納盒（中size，25.5x36x16cm，售價690日圓）
另一款無印良品深入民心嘅代表性收納盒，防水且寒冷天氣唔會爆裂，呢個大細除咗適合放文具及雜物，亦可以放入雪櫃，或者作園藝用都得，用途彈性大，可以另加購蓋，方便疊高用。
第5位：軟身塑膠收納盒（大size，25.5x36x24cm，售價890日圓）
同以上收納盒同款但較高身，適合放玩具、清潔劑及樽裝飲品等。
第6位：軟身塑膠收納盒蓋（26x36.5x1.5cm，售價290日圓）
以上兩款軟膠收納盒均可以加上這款盒蓋，除了防塵，仲方便收納盒疊高用。
第7位：塑膠文件分類收納箱（10x32x24cm，售價590日圓）
同第一位嘅收納箱同款，但比較窄身，更適合放文件file。
第8位：塑膠文件分類收納箱（15x32x12cm，售價590日圓）
同第一位嘅收納箱同款，但高度只有一半，適宜放矮身雜物，或者可以三個收納箱壘高作收納。
第9位：晾衫衣架（約42cm闊，一set 3 個售價390日圓）
用料為明礬，主要作為洗衣後晾衫用，優點係令衫嘅肩膊位唔易變形。
第10位：塑膠文件分類收納箱蓋（15cm闊，售價490日圓）
本身係第一位文件箱嘅蓋，但其實單獨亦可以作為薄身文件tray。
text/Joyce
========
同場加映：
【家居達人】記者實測！9款坊間去膠漬產品 酒精、護手霜、白電油 邊樣最有效？
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
