網民熱議：可以點去除浴室玻璃陳年水垢？家務清潔導師：用檸檬酸可有效去除水垢！

用檸檬酸醃幾個鐘？檸檬酸唔好加梳化粉用？
帖主於群組表示試過用多種唔同嘅清潔劑，以及檸檬酸加梳打粉都冇辨法去除浴室玻璃上嘅陳年水垢，因此就向網民求助：「請問(點去除)浴室玻璃陳年水垢？試過好多清潔劑、檸檬酸+梳打粉都洗唔甩，請指教」。對於去除玻璃水垢嘅方法，有網民就指其實用檸檬酸係可行，不過就需要醃上幾個鐘：「檸檬酸可以架(㗎)、不過要腌(醃)幾個鐘」，亦有網民指使用檸檬酸不應加上梳打粉，兩者同時使用會令各自嘅效果中和：「檸檬酸唔係加梳打粉用㗎！」、「中和晒」。

有網民指用檸檬酸於玻璃水垢上醃數小時，就可將水垢去除。

帖主指使用檸檬酸加梳打粉無法去除玻璃上的水垢，有網民則解釋因檸檬酸加梳打粉會導致效果中和，兩種產品不應同時使用。

用淘寶水垢清潔膏？藍威寶加報紙？蓋水？玻璃去垢水？
而網民們亦紛紛向帖主推介唔同產品，以去除玻璃上嘅水垢，有網民就指淘寶有一款水垢清潔膏能有效去除玻璃水垢：「淘寶買水垢清潔膏，我買過，堅有效」，亦有網民指用藍威寶加報紙都得：「藍威寶+報紙」、「報紙先係皇道」，更有網民建議可以用清潔冷氣機用嘅蓋水(coil水)以及汽車美容用嘅玻璃去垢水以去除玻璃水垢：「用洗冷氣coil水，但要好小心(因為corrosive(具腐蝕性))，用完立即用清水清洗浴屏！」、「真係不惜工本可以買汽車美容嗰啲玻璃去垢水，不過貴到你唔信」。

有網民推薦可使用這款於淘寶購買的水垢清潔膏。

亦有網民指用藍威寶加報紙可去除玻璃水垢。

清潔冷氣機用的蓋水(coil水)亦是網民推薦的去垢產品，但因其具腐蝕性，使用時需加倍小心。

有網民則指汽車美容用的玻璃去垢水能夠去除玻璃水垢，不過產品價錢相當昂貴。

裝修師父教路可用刀片刮走水垢？
除咗使用唔同嘅產品之外，有網民亦建議可以物理嘅方法，用刀片刮除玻璃上嘅水垢：「用刀片刮，係個裝修師父教嘅，佢話我同你做就算收你半工都要一千不如你自己買把刀片刮自己整啦，都係十元八塊，真係掂喎！連上手留低嘅番皂(梘)積(漬)，水垢積(漬)，一鏟即起」、「要用物理方法，樓上有正確方法，就係用刀片，酒店都係用呢個方法」

有網民指玻璃上的水垢以刀片去刮除為十分有效的方法。

家務清潔導師：可用檸檬酸液體將水垢溶解！

家務清潔導師Miss Cheung建議，去除浴室玻璃水垢，可先將檸檬酸用熱水開溶，再用廚房紙浸上檸檬酸液體，並貼上玻璃嘅表面及用保鮮紙蓋好，然後等待一段時間，水垢就會慢慢被溶解，最後用上海棉百潔布於有水垢嘅位置打圈清潔並過水即可，如未能完全清潔水垢，可重覆以上步驟再試。Miss Cheung另外提及，由於檸檬酸液體會對雲石表面造成損壞，清潔時要避免液體滴上浴室有雲石嘅地方。

家務清潔導師Miss Cheung指用檸檬酸液體可把浴室玻璃上的水垢溶解。 

text/Jonathan
photo/HKET圖片庫、淘寶

============
同場加映：
【蝸居睇樓團】新手上車必知！專家教買一、二手樓步驟　買樓花有著數？高成數按揭點計？幾時同業主講價？