TVB劇集《廉政狙擊》持續熱播中，最近出場的傅嘉莉於日前一集就以五大性感造型搶盡風頭，其中一套開胸戰衣更要黐足成個鐘膠紙。傅嘉莉飾演的「尹在詩」除了協助卓廷光（黃智賢 Ben飾）及傅天耀（郭政鴻飾）透過買賣藝術品洗黑錢外，同時亦是廷光小兒子卓日升（高鈞賢飾）的秘密情人，再度挑戰邪花角色。
傅嘉莉（Kelly）的角色「尹在詩」是位美麗而又帶點邪門的事業型女性，造型師、服裝師、化妝及髮型師為角色花盡心思，Kelly出場的一集就已換了五個造型，除了貼身設計，亦不乏低胸、露肩及露背款，其中出場的心口開胸戰衣，更將Kelly美好身段表露無遺。
談到登場的開胸戰衣，Kelly坦言是最喜歡但也最蝦人著一套：「當日我哋黐咗好多膠紙，因為我演戲時唔係好希望畀其他嘢斷斷續續咁影響到，好容易會出戲，我記得當日着條裙服裝部同事都幫我着咗成個鐘！」
至於Kelly的戲肉場口「鈕扣對峙」更是焦點所在，在廷光「威逼」下，在詩被逼將身上恤衫的鈕扣除了又扣、扣了又除；配以廷光憤怒、藐視又霸氣的表情，以及在詩一臉委屈的狀態，形成強烈對比之餘亦充滿戲味，絕對張力十足，「戲」勢逼人。
傅嘉莉為演好角色可謂是忘我去到盡，今次兩場摸pat戲均是自己與導演臨時決定加碼：「因為呢兩場戲都係女導演，所以我好安心，其實劇本係冇摸Pat Pat，但我同導演傾過覺得符合劇情，所以就加咗。」
Kelly又謂為了做好角色，可以達到忘我狀態：「我本身鍾意演戲，亦都覺得每次演戲都係奉獻咗身體畀個角色，剪頭髮、曬黑、變瘦我都做過！好似著性感衫，其實著嗰時我唔覺得嗰個係我，所以我唔會帶好多傅嘉莉嘅準則去尹在詩個角色度，唔介意之餘有時甚至係我自己要求不如去盡啲。」
►同場加映：【衝出嚟玩】記者直擊全新市區水上活動中心 半日學識划平板賽艇+直立板！設淋浴間/置物櫃
圖片來源：TVB
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
