香港居住空間狹小，永遠都唔夠位放雜物……不過原來只要識得妙用用法簡單嘅伸縮棒，即刻可以利用屋企入面好多「鬼祟位」，增加唔少位放嘢，例如鞋櫃入面可以多一層儲物，連廁所馬桶水箱旁邊嘅位都可以掛清潔用品，即刻睇吓日本家居Youtube頻道「Life Style Journal」嘅分享啦！
用法1：玄關變兩層放鞋空間
同住家人多，或者鍾意買鞋人士，玄關經常放滿鞋，睇上去好似亂糟糟咁……其實只要在近地面嘅牆身之間加兩條伸縮棒，即刻可以變兩層鞋架，放鞋位置加倍。
用法2：玄關牆身變拖鞋架
如果喺玄關附近牆身之間有啲柱位凹位，其實可以加伸縮棒向高空發展，變身拖鞋架。
用法3：鞋櫃內櫳增加儲物層
原來喺鞋櫃入面放置鞋筒較矮嘅鞋嗰一層，可以加兩枝伸縮棒，爭取空間變多一層儲物架，可以放置扁身嘅雜物盒。
用法4：廚房下櫃加位放保鮮紙
點樣可以增加廚櫃嘅放嘢空間？原來可以喺廚房下櫃嘅抽屜上方，加兩枝伸縮棒，上面放一塊膠板。
加多一個扁身透明膠盒，適合放保鮮紙及錫紙等小物。
用法5：廚房鋅盆櫃門內增掛物架
廚房洗手盆下面嘅廚櫃，通常都因為有去水喉位而難儲物，改善方法之一，就係喺廚櫃門上加掛架，再加伸縮棒，可以用嚟掛垃圾袋或者毛巾等小物。
用法6：L型轉角位牆身變長遮架
若果要喺L型轉角位牆身加伸縮棒，就要先加裝類似嘅牆身掛鈎。
隨掛鈎附上掛釘，唔使鑽牆，安裝容易。
日網嘅示範，就係用嚟做掛長遮嘅遮架。
用法7：廁所馬桶水箱旁邊增掛架
廁所馬桶水箱同牆身之間，增加伸縮棒，必要時再加上S型掛鈎配合，可以放到清潔用具同噴咀式清潔劑㗎！
如果仲要想多啲位放雜物，可以喺馬桶後面同牆身之間嘅空位，放一枝長身伸縮棒連接兩邊牆身，再加一個類似嘅掛架。
即使買唔到，搵一個比較闊身嘅書立，立刻又多個位放清潔劑。
用法8：枱腳變掛架放毛巾
有無諗過喺枱腳之間都可以加枝伸縮棒，用嚟掛雜誌或者毛巾呢？
即使喺同一邊嘅枱腳，都可以裝上掛鈎後再加伸縮棒，掛毛巾及清潔用具都唔錯呀！
text/Joyce
============
同場加映：
【蝸居睇樓團】新手上車必知！專家教買一、二手樓步驟！買樓花有著數？高成數按揭點計？幾時同業主講價？
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
