網民熱議：喺淘寶買床褥好唔好？品質唔錯又舒服？運費貴又有風險？

品質唔錯兼舒服？有貨不對辦嘅情況？
帖主問網民有冇喺淘寶買床褥嘅經驗：「想問下(吓)大家有冇淘過床褥，品質保證如何？」。對於帖主嘅提問，有不少網民就分享自己喺淘寶買床褥嘅經驗，並指床褥品質唔錯，用落亦夠舒服：「有吖，直接送上門，品質都唔錯」、「我訓(瞓)緊果(嗰)張都係淘，都係博(搏)下(吓)得唔得，但好彩好舒服」、「淘咗兩張，話係德國品牌，佛山做，26cm厚，都幾舒服」，不過亦有網民分享中伏經驗，指曾於淘寶買床褥時出現貨不對辦嘅情況：「淘過9cm孌左(咗)4cm，好似叫南極人，反映後當我地(哋)好似乞兒咁退5蚊比(畀)我哋叫我地(哋)比(畀)好評，最後更(梗)係冇要，怕怕了，係(喺)香港買好過」

有網民指經淘寶購買的床褥品質不錯，而且使用感覺亦舒服。

亦有網民分享自己曾於淘寶買床褥的中伏經驗，指床褥到貨後發現竟是貨不對辦。

運費貴亦會有風險？選大品牌就有保證？
而有網民就認為喺淘寶買床褥會有風險問題，而且運費高昂，並唔值得咁做：「運費＋風險，不值得」、「一張過嘅就無謂博(搏)，一來運費貴二來運輸過程可能有汙(污)染」、「運費先勁。咁大張送上門喎」，更有網民話曾有報導指於淘寶購買嘅床褥竟內藏死老鼠：「網上有新聞報道過入面有死老鼠」，不過有網民就認為選購大品牌嘅床褥則可確保質素：「大陸係世界工廠，好多野(嘢)一定都係大陸做，但好唔好是在QC方便(面)。所以一定要選大品牌，QC先會有保證」

有網民指於淘寶購買床褥所需收取的運費高昂而且床褥會有被污染的風險。

有網民則指可選購屬大品牌的床褥以保證質素。

床褥唔應該上網買？長期使用應買質素較好嘅床褥？
亦有網民認為其實床褥並唔應該於網上選購，因床褥需要試瞓過先知道適唔適合自己：「床褥真係要自己試過先好買，軟硬度要適合自己先好瞓」、「諗下(吓)點解賣床褥要租咁大地方，同牌子放咁多型號比(畀)客試？床褥梳化都要自己瞓過坐過，先知道邊款啱自己」、「香港買自己試訓(瞓)啦，一日最少1/4時間响床上面，買張啱自己訓(瞓)啦」，更有網民指於淘寶購買嘅床褥質素唔錯，但始終亦比唔上價錢較高昂嘅床褥：「如果長期用最好都係香港買，寧願買貴啲買靚啲，最少都瞓十年，我喺淘寶買左(咗)兩張海馬，三百幾一張，質量唔差，瞓左(咗)一年半二百磅肥仔無凹到，但瞓真係唔及貴價咁舒服」

有網民指因床褥需試用才可知道對自己合適與否，不應於網上購買。

亦有網民指雖於淘寶購買的床褥質素不差，但長期間使用的床褥應購買質素更優良的。

 
text/Jonathan
photo/HKET圖片庫

============
同場加映：
【蝸居睇樓團】新手上車必知！專家教買一、二手樓步驟　買樓花有著數？高成數按揭點計？幾時同業主講價？