廉政狙擊|傅嘉莉出場僅4集碌落山慘死引大迴響 與黃智賢同場飆戲表現獲讚大躍進

文: 羅志宏
2023.03.07

TVB劇集《廉政狙擊》今晚(7日)以尹在詩(傅嘉莉飾)為主角的藝術品洗黑錢個案迎來尾聲,昨晚(6日)一集講到在詩被ICAC扣留期間發現懷有卓日升(高鈞賢飾)骨肉,事件惹來卓廷光(黃智賢飾)不滿,在詩因而招來殺身之禍,最終失足碌落山慘死!

雖然傅嘉莉(Kelly)出場時間只有四集,但仍成功突圍,播出後在網上反應引起很大迴響,她與黃智賢的「鈕扣對峙」,在無綫官方社交網重播後反應熱烈,兩日勁吸近四十萬views,留言更是大部份正面,除了讚Kelly身形完美,又讚她演技有進步,表情層次變化豐富,展現不同情緒演繹。

談到山坡戲拍攝花絮,傅嘉莉憶述由於當日在大帽山拍攝時相當大霧,所以全程拍吓停吓,不但髮型難以連戲,情緒亦斷斷續續,幸好最後順利完成:「我哋好多次因為朦到拍唔到,鏡頭直頭見唔到我同阿Ben個樣,我哋要偷陽光拍。嗰場係我嘅煞科戲,我其實好緊張,無奈天氣令到我不斷講一句嘢就要cut機,搞到頭髮都Drop晒唔連戲,但又反而多咗份滄桑淒美感。」

傅嘉莉又感激替身師傅的瞓身演出。對於網民對其演技正評,Kelly坦言很開心,一直很喜歡演戲的她,謂希望之後再有突破。談到保養心得,Kelly指除了每天堅持做運動及多飲滋潤湯水外,並要謹記早睡早起:「自從讀咗珠寶鑑證課程,佢係一個英國國際認可嘅鑑證師課程,呢一、兩年我早睡早起咗,否則記性冇咁好。」

同場口的黃智賢(Ben)亦以理智型奸角的氣勢演繹贏盡讚賞,單以簡單數句對白及別具張力的眼神,已將氣氛推向緊張,網民讚愈來愈有戲之餘,又指難得奸險的Ben「奸得嚟有型有款」。黃智賢又透露為了配合角色髮型刻意減肥,指沒有刻意為角色定忠奸,最重要是有血有肉。

 

►同場加映:【衝出嚟玩】記者直擊全新市區水上活動中心 半日學識划平板賽艇+直立板!設淋浴間/置物櫃

 

圖片來源:TVB、劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!