謎底解開: 每日 iReserve 供應幾多部iPhone 6?

文: nith 

iPhone 6，你搶到未? 根據9月20日至9月25日的經驗所得，香港 iReserve 每朝 8am 起開始供預訂iPhone 6 及 iPhone 6 Plus，通常8:01就會無晒大機，8:04起就連細機都全數搶完。蘋果會在之後下午時間再靜雞雞放出iPhone... 問題是，究竟每日iReserve 總共有幾多部供人預約?

據一位於香港蘋果內部 Office  工作的知情人士透露，原來每日 iReserve 可供人預約的 iPhone 6 和 iPhone 6 Plus 總數 (包括所有分店、型號及顏色) 為各約一萬部，換言之每日香港共有約二萬部新機流出市面，有一萬餘人可以成功透過iReserve買機。

下一日的萬多名幸運兒裡，會唔會就係你? 不過，原來每日有咁多貨，難怪先達阿哥們真係「收到手軟」仲有時會唔接貨，亦都解釋到點解今次iPhone 6 個價瀉得咁快!