近年大家屋企嘅書籍雜誌數量可能少咗好多，以前用開嘅書立，可能變得無乜用……千祈唔好咁諗呀！日本收納師池田真子就教路，原來識得用，書立原來喺家屋收納上，好幫得手，由文具、藥物以至衣物，都可以用書立擺放得更整齊，仲可以變身床頭或者廁所嘅掛架放雜物，又可以放焗爐小盤，唔使嘥錢另外再買雜物架，真係要學吓嘢呀！
用法1：櫃桶衣物 擺放更慳位兼可清晰分類
櫃桶收納衣物，喺衣物中間加入書立，可以令衣物無咁易軟垂東歪西倒，仲可以迫出空位，放更多衣物。
喺書立上面加上魚尾夾，可以喺上面寫低衣物類型等資料，分類更清晰。
用法2：藥物雜物 分類擺放整齊又一目了然
如果家人多藥物，好多時一袋二袋雜亂地放嘅話，可以考慮喺收納盒入面，加兩個書立，視乎所需要嘅分格大細，用雙面膠紙固定書立位置。
就可以將藥丸膠袋分格放好，仲有位置可以放如藥膏、膠布及較剪等急救藥品，整齊又一目了然。
用法3：浴室小物 鏡櫃內活用磁石擺法變化多
有無諗過喺浴室鏡櫃入面放個書立，上面再加磁石黏貼掛鈎，就可以放置如髮夾及橡皮圈之類嘅髮飾小物。
改變磁石黏貼掛鈎嘅方向，原來可以掛女士除毛剃刀。
亦可以加上魚尾夾，可以放置美容液試用裝。
又可以只在書立上面放磁石，吸住如眉鉗等金屬美容小物。
用法4：皮帶tote bag 櫃邊加磁石掛鈎容易攞
喺衣櫃夾板上放置書立，然後喺上面加磁石黏貼掛鈎，就可以放置皮帶呢類配飾。
喺玄關位置嘅半腰櫃邊，加上書立及磁石黏貼掛鈎，可以掛tote bag。
用法5：文具小物 書立兩邊唔同用法
玄關或者書枱，好多時都會有大量文具小物，想放得整齊，亦可以放個書立，上面再加磁石黏貼小掛盒，可以放置如釘書機及memo紙等。
而其實書立兩邊都可以活用磁石黏貼，放置唔同小物，用盡空間。
用法6：化粧品及餐具 書立重疊變雙層儲物架
用雙面膠紙或磁石，將兩個相同大小嘅書立重疊，變成拱橋狀置物架。
配合小型儲物盒同磁石黏貼小盒，就可以整齊地放置化粧品及化粧用具小物。
同樣嘅裝置，亦可以放喺廚櫃，放置杯及碗等餐具。
用法7：焗爐小盤 慳位放得穩
好似焗爐小盤呢類小物，亦可以用書立固定， 放喺焗爐旁邊，可以唔使另買雜物架。
用法8：廁所清潔劑小垃圾桶 配合伸縮棒放馬桶後面
想用盡廁所空間放雜物，可以放一枝伸縮棒，喺廁所馬桶後面同牆身之間，再加一個書立。
上面位置就可以用嚟放小垃圾桶，以及清潔劑等物品。
用法9：手機小物 配合牆身釘變床頭雜物架
有啲書立上面，會有個窿位，就可以配合掛牆釘掛喺床頭附近嘅牆身，變可以放置如手機及眼鏡等嘅床頭雜物架。
用法10：毛巾嬰兒衫 書立分隔擺放更整齊
喺收納盒入面，用書立根據需要擺放作分隔用，書立之間可以用雙面膠紙作固定位置。
就可以將如毛巾、襪及嬰兒衫放得整整齊齊。
text/Joyce
============
同場加映：
【蝸居睇樓團】型男Catry 500呎 獅子山靚景新屋實錄 ! 網紅酒店雲石廁所+吧台
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
