網民熱議：搵人合租一齊住好唔好？可能會遇到咩問題？簽約者有好大風險？一個人租開放式單位更好？

合租應搵熟人？生活習慣夾到合租係幾好？
樓主表示有想同人合租單位住嘅意向，因而就問網民與合租相關嘅事宜：「我自己都擔心同埋想睇下(吓)點搞，又點樣搵人，有咩要注意，兩個人夾抵啲定三個人抵啲，入嚟分享下(吓)你地(哋)夾租嘅日常生活呀」。對於合租，有網民就認為若兩個人嘅生活習慣唔同，就會有好大影響，建議應搵熟人合租：「香港啲單位太細，生活習慣唔同，例如一個早訓(瞓)一個好夜訓(瞓)，就會影響大啲」、「香港嘅話都係強烈建議搵個識嘅人夾」，亦有網民分享同朋友合租嘅經驗，指若大家生活習慣相合的話，合租會係一件唔錯嘅事：「試過同朋友夾租兩房，每人6千租左右再share水電費，連雜費開支唔過8千，其實同個frd生活習慣夾到真係幾爽，一人一間房，個廳廚廁share用，放假又可以約埋frd上嚟打通宵機，有種好似以前住hall或者同frd去旅行度假嘅感覺」。

有網民認為若與室友生活習慣不同，雙方合租會造成很大影響，建議應找相熟的人合租。

有網民則指若是與朋友合租，而大家的生活習慣亦類近的話，合租會是一個不錯的選擇。

簽租約者有好大風險？有可能遇上麻煩室友？
亦有網民認為合租之中負責簽約嘅人會有不少風險：「邊個負責簽約先，一陣走佬就要自己俾全租」、「不過你做分租個(嗰)果(個)，liability係(喺)你身，夾租個(嗰)果(個)你收一個月上期，佢拖一拖你，走個(嗰)陣又gap period你要食哂個空窗期租。你計下(吓)就明慳唔得幾多，因為你食哂個risk」，更有網民認為若室友有不良習慣或背景複雜的話就會相當麻煩：「簡單一句，你鄰居慢慢帶同性/異性想(上)黎(嚟)開party或者日日大食會，吸煙、索k，又或者本身差(爭)人錢，每曰(日)都有債主上門，你點算？」

有網民指合租者當中負責與業主簽租約的人會有不少風險，有機會遇上室友拖欠租金或突然搬走的情況。

亦有網民指合租有機會遇上有不良習慣或背景複雜的室友。

香港人自私難合租？租住開放式單位/酒店仲好？
而有網民就認為香港人普遍自私，難以合租，而且合租亦其實無私人空間可言：「香港人太自私，難搵人夾租」、「夾租都叫有私人空間咩」，因而有網民就不建議合租，寧可一個人租住酒店或開放式單位：「搵唔識的人合租，我諗fail rate會幾高，因為人dna都係自私的，再加埋有錢銀野(嘢)，同埋share的話，仲會有咩個人空間可言，不如去租d(啲)棍龍灣(珺瓏灣)studio/酒店月租 」、「exactly。要平去租酒店/大西北半新studio咪仲好。share完平幾k，無哂privacy，公家清潔實有人x街唔做，幻想下(吓)要抵得諗下(吓)下(吓)做多少少cover其他人，咪即係做人bun bun(意指工人)，慳個(嗰)幾k」。

有網民指香港人太過自私，會有人不願分擔單位的清潔工作，找人合租是一件難事。

有網民認為合租亦只能節省數千元，但卻會失去私人空間，建議獨自租住開放式單位或酒店會更好。

text/Jonathan
photo/HKET圖片庫

 

============
同場加映：
【蝸居睇樓團】新手上車必知！專家教買一、二手樓步驟！買樓花有著數？高成數按揭點計？幾時同業主講價？