隱形戰隊|劉穎鏇水著look大騷馬甲線小蠻腰 地獄特訓蜜桃臀迎戰劉佩玥一件頭泳衣屈佢機

文: 羅志宏
2023.03.12

劉佩玥與劉穎鏇兩個「高妹」最近在TVB劇集《隱形戰隊》力爭「最強Body」,日前一集二人以出水芙蓉姿態出場,水著look大派福利,劉穎鏇以濕身彩虹三點式上陣,大騷馬甲線、小蠻腰、蜜桃臀,而劉佩玥就以粉紅色斜肩一件頭泳衣登場,展現一雙修長美腿,均令性感指數大大飆升。

《隱形戰隊》其中兩位女主角劉佩玥(Moon)與劉穎鏇(Tiffany)集集都大晒「最強Body」,Tiffany甚出操出女性10%極限體脂、蜜桃臀,不但腰前馬甲線清晰可見+腰肢零贅肉,臀部更由平地升呢至「蜜桃臀」,完美展示為時超過數個月的地獄式特訓亮麗成果。

最新一集更有萬眾期待的水著派福利畫面,一身「彩虹戰衣」的Tiffany以出水芙蓉姿態出場,身上的水珠、身後的水花、以及一頭飄逸的秀髮,都令人感覺唯美。Tiffany婀娜多姿的上水背影亦相當吸睛,「最強Body」明顯Level Up。除了身形殺食,Tiffany的表情亦相當可愛嬌俏,魅力指數爆燈。

劉穎鏇相當難忘抵冷做「出水芙蓉」,透露拍攝當日早上「唔敢食嘢」:「我練咗啲腹肌都好想出到,但嗰排開工都開得密冇特別抽到時間再操好啲,所以只能朝早唔食嘢淨係飲齋啡去keep。其實我哋拍嗰個泳池因為畀個屋苑遮住咗啲太陽,所以我記得拍嗰日係超級凍,我每次落水都好似入咗冰水咁。最慘係我又怕凍啦,嗰日落到水當然超凍,但唔落水企喺度其實都係凍。」

至於肩負「誘惑擔當」的Moon,則身穿粉紅色斜肩設計一件頭泳衣登場,除了突顯白晳肌膚,一雙修長美腿亦是相當屈機。Moon更笑指自己所穿的一件頭泳衣亦相當蝦人著,故此拍攝當日亦有刻意減少食量。

 

►同場加映:【著數慳家王】社企承接紅磡老店「新祥益餅店」 推動長者就業!最平芝士酥/肉鬆酥$3

 

圖片來源:TVB、劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓