隱形戰隊|33歲劉佩玥晒逆天長腿做 「最美狙擊手」 港姐季軍磨劍10年觀眾緣跑贏當年冠亞軍

文: 羅志宏
2023.03.16

今年「大馬視后」劉佩玥(Moon)最近憑TVB劇集《隱形戰隊》人氣再度急升,飾演為求破案勇於走偏鋒的POTT成員杜小婕(Shadow),單是出場一幕已相當殺食,以超貼身戰鬥服上陣的她,超長腿吸睛之餘,溫柔又神秘的甜笑亦十分致命,其中一場以「誘惑擔當」色透馬國明,以及趴著開槍快狠準,大晒逆天長腿,更被封為「最美狙擊手」。

劉佩玥今次在《隱形戰隊》裡電力十足、秀髮飄逸,出場時以一身女特務緊身裝搶去焦點,獲讚「霸氣外露」,此外還有超強悍一面,面對壞人亦絕不口軟兼手軟,堪稱「糖衣女硬漢」。而Moon劇中一幕在夕陽映照下徐徐步出的畫面,唯美之餘亦別具氣勢。

除了出場吸睛,劉佩玥飾演「誘惑擔當」投以無辜眼神演出也令觀眾眼前一亮,紛紛留言大嘆:「星爺分散注意力治療法」、「Moon真係性感同型」、「阿Moon好有女人味」、「呢個造型好靚」。

劉佩玥又謂不介意飾演「誘惑擔當」:「因為同我本人愈唔似,愈有挑戰性,呢個係演戲過癮嘅地方。」出場已連投兩顆震撼彈的Moon,預告「之後會有更爆場面」;據知,劇中常以臥底身份查案的Moon,形象確是相當百變,除了有行政人員、白恤衫睡衣look、更會有拜金、模特兒及一樓一鳳Look。

對此,劉佩玥就大爆監製對其角色要求是「婀娜多姿」,故她事前準備功夫是節食及做運動修線條:「Shadow係好亮麗嘅角色,所以我都要Keep住最好狀態,除咗表面要靚、要精神,仲要好弗。」

現年33歲的劉佩玥,於2013年參加《香港小姐競選》獲得季軍而入行,敗於冠軍陳凱琳、亞軍蔡思貝,其後奮鬥幾年於2018年首次在劇集《跳躍生命線》擔正女一,劇中與馬德鐘、何廣沛合作,惟角色迴響不大。雖然同年Moon再有《救妻同學會》擔正女一演出,惟水花同樣不大,未能承接早年的聲勢,反而多了些雞仔聲的批評。

直至2022年,劉佩玥在《美麗戰場》才憑「李靜兒」一角再露鋒芒,扳回演技好評,更在《萬千星輝頒獎典禮2022》力壓三位一線花旦唐詩詠、胡定欣、李施嬅,首次榮登「馬來西亞最喜愛TVB女主角」,名正言順升呢「大馬視后」,磨劍10年再迎事業高峰。

►同場加映:【著數慳家王】社企承接紅磡老店「新祥益餅店」 推動長者就業!最平芝士酥/肉鬆酥$3

圖片來源:TVB、IG@各藝人、節目截圖、劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓