網民熱議：新界區新樓大比拼！元朗雨後VS屯門NOVO LAND邊個好？

雨後又近港鐵站又抵買？
樓主表示元朗雨後同屯門NOVO LAND樓價相若，但雨後卻比起NOVO LAND離港鐵站近得多，而且附近更有齊生活配套，買咗NOVO LAND就等於「中晒招」：「雨後同NOVO LAND同價，早2日買NOVO LAND中洒(晒)招，一個5分鐘行到西鐵，附近有齊所有野(嘢)，下至餐廳，上至性需要一應俱存；一個25分鐘先到西鐵，得青山醫院同公屋為伴」。對於樓主嘅睇法，有網民亦認同雨後比NOVO LAND更好，全因雨後鄰近港鐵站：「二揀一，一定揀雨後，起碼行到去朗屏站」、「雨後近鐵好多，Novo(NOVO LAND)同雨後，一定雨後」，亦有網民認為雨後嘅樓價比起其他新界區私樓好唔少：「5分鐘到地鐵站都係呢個價，之前買咗大西北嗰啲真係哭x咗」。

有網民指雨後非常鄰近港鐵站，與NOVO LAND相比下，會是更好的選擇。

亦有網民指綜合雨後的地理位置及樓價後，發現比起不少其他新界樓優勝。

雨後冇配套環境又差？同區有更好嘅選擇？
不過有網民就指雨後其實配套不足，而且環境又嘈又臭之餘人煙亦稀少：「個(嗰)個位咩配套都無，唯一係算近朗屏」、「乳后(雨後)環境好x嘈，又臭」、「(雨後)家陣都係靜過鬼，夜晚行返去都幾危，novoland人氣點都旺d(啲)，遲吓仲有商場仔，同價點計都係novoland」，亦有網民指雨後嘅樓價其實並唔平，同區內有不少更好嘅選擇：「平？望大坑渠果(嗰)邊要16k(1呎)喎，望對面工廠1樓先同novo land最貴果(嗰)間同價喎」、「乳後(雨後)呢口價，開放式買返映御啦，正常一、兩房買返Yoho系啦」、「都要萬5(1呎)，買朗城匯唔x好」。

有網民指雨後鄰近配套不足、環境又臭又嘈吵，只有鄰近港鐵站一個優點。

有網民則認為雨後的樓價其實並不便宜，而區內有映御、Yoho、朗城匯等更好的選擇。

NOVO LAND位置超差？會所同巴士都大把人爭？
而有網民就認為NOVO LAND嘅地理位置相當之差，若要搭巴士去鄰近嘅港鐵兆康站，更要同唔少公屋居民爭巴士搭：「Novoland個位西到咁都買，怪得邊個」、「同公屋兩萬幾人一齊爭架(㗎)k巴」，更有網民指NOVO LAND多住戶，就算會所有近40萬呎都唔夠用：「Novo(NOVO LAND)個會所要同4000伙分，成萬人分一個，真係幾大都唔夠用」。

有網民指NOVO LAND的位置差，住戶更要與兩萬多公屋居民爭巴士搭。

亦有網民指NOVO LAND的會所有接近一萬位住客使用，就算會所大亦難以應付。

買樓要睇埋發展商？雨後嘅業主要畀更多管理費？
除咗位置、環境以及樓價嘅因素外，有網民認為屋苑係由邊一間發展商所建亦係考量因素之一：「發展商係買樓嘅考慮之一」，而有不少網民就指雨後嘅發展商星星地產，完全比唔上NOVO LAND嘅發展商新鴻基地產：「Shk同星星地產同價，傻嘅先揀星星」、「冇人識既(嘅)發展商，緊(梗)係買shk保值又料靚」、「買蚊型發展商自己睇路」，更有網民指雨後只有一座，業主需分擔昂貴嘅維修費以及管理費：「睇埋雨後嘅發展商，同有幾多幢分擔管理費，就知雨後同novoland無得比較」、「(雨後)得一座，維修費、管理費，諗起都和味(收錢個(嗰)個)」。

有網民指發展商為買樓時的考慮因素之一，NOVO LAND的發展商新鴻基地產會比起雨後的發展商星星地產更好。

有網民則指雨後為單幢式住宅，業主所需支付的維修費及管理費會更高。

text/Jonathan
photo/HKET圖片庫

============
同場加映：
【蝸居睇樓團】型男Catry 500呎 獅子山靚景新屋實錄 ! 網紅酒店雲石廁所+吧台