大家去商店購物返屋企，會獲得大大細細嘅紙袋，但其實只要識得利用，呢啲紙袋可以變成家居收納用具，而且比起要喺家品店買塑膠收納盒，更加慳錢，更環保同調節大細更有靈活性，唔單只適合於收納衣物同配飾小物，連雪櫃入面放食材都啱用，快啲睇吓日本網「Life Style Journal」嘅介紹啦。
用法1：令櫃桶衣物收納更整齊
有無試過櫃桶入面嘅衫軟垂跌低，或者放到亂糟糟？
其實可以將個紙袋放入櫃桶，在櫃桶同高度位置劃線。
在劃線以上部分向袋內摺，剪去手抽，再用膠紙固定紙袋邊緣位置。
放入櫃桶裝衣物，既有助分類，亦可令衣物唔會跌低善用空間。
用法2：細紙袋變迷你雜物盒
至於比較細嘅紙袋，可以剪去上方約1/3部分及手抽，再摺成小盒。
可以在書枱、文具櫃等，變身雜物盒放置小物。
用法3：闊底紙袋收納不同形狀瑣碎雜物
至於袋底比較闊嘅紙袋，最宜用來放一大堆唔同形狀兼用途未必一樣嘅雜物，就唔使散亂地放到屋企各角落。
用法4：靈活變身雪櫃食物儲物分格
好多人都用家品店出售嘅現成塑膠儲物盒放食物，但好多時大細唔係咁fit，一係放唔落食材或調味料，一係就用唔盡雪櫃嘅位。
其實用紙袋，剪去上方手抽部分，再摺成盒型，好用程度比膠盒更佳。
如果紙袋大細同要放嘅位置唔同，其實只要將紙袋剪開兩邊，再根據所需大細摺返埋就可以，靈活度大。
每格紙袋底部可以加一塊無用嘅紙作墊底，如果紙袋污糟咗嘅話，只要更換呢塊墊底紙就可以；紙袋之間可以用魚尾夾作固定，整齊又環保。
用法5：厚身紙袋變皮帶小飾物收納盒
至於一啲較厚身硬淨嘅紙袋，可以喺側邊用鎅刀開兩個窿。
而紙袋無用嘅手把，就可以穿過呢兩個窿變新嘅把手。
呢個有把手嘅紙袋收納盒，好適合放在衣櫃入面，用嚟放皮帶、絲布、小布袋之類嘅衣飾小物。
用法6：點樣收納紙袋最企理又易攞？
既然搵到紙袋有咁多收納用途，咁買嘢返嚟嘅大小不同紙袋，又要點樣收納先整齊、慳位又易攞呢？
其實可以用一個大紙袋收納呢堆紙袋，然後用S型鈎掛起大紙袋，而最大嘅竅門，就係喺旁邊剪去上半， 就可以更方便拿取紙袋。
text/joyce
============
同場加映：
【蝸居睇樓團】型男Catry 500呎 獅子山靚景新屋實錄 ! 網紅酒店雲石廁所+吧台
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
