天氣愈嚟愈暖，就快又到換季時候，不妨順便嚟個大執屋。一講起要執屋，好多人都會第一時間衝去家品店，購買一堆唔同大細嘅收納盒……不過有無諗過如果買錯咗收納箱，就真係嘥錢又浪費！日本收納師Mei就講咗6 個買收納用品要留意嘅要點，例如點解揭蓋樽好用過扭蓋樽？廚房同廁所點解唔好用木盒同藤籃做收納呢？
要點1：要度清楚櫃嘅大細 連櫃門校位都要計埋！
首先，要度清楚將要放收納用品嘅空間，長、闊、高嘅呎吋。
仲有好多「鬼祟位」要留意：例如呢類櫃桶收納箱，拉櫃桶出嚟時，會唔會被前面其他家具頂住，櫃桶唔能夠完全拉出嚟呢？呢個時候，就可能要預留位置將收納箱稍為離開牆身放置。
而有時收納箱睇起上嚟好相似，其實會有啲好微妙嘅分別。
例如呢一款，由於旁邊有個窿，可以當把手，較方便取物。
而呢類櫃門鉸亦會佔位置，有機會頂住收納箱，度呎吋時都要留意。
要點2：要考慮收納用品存地方嘅環境 再揀適當物料
揀收納用品時，仲要考慮埋係放喺乜嘢地方，例如廚房呢類多油煙嘅地方，比較適合用塑膠呢類易清洗嘅物料。但濕氣重嘅地方，就最好唔好用木以及藤籃呢類物料，以免易發霉。
如果收納箱要放喺高處，要盡量揀輕啲嘅物物料，例如布箱。
揀收納箱，最好可以喺唔用嘅時候，摺疊起嚟，慳位易收藏。
要點3：盡量揀使用方便兼一目了然嘅收納用品
盡量揀可以一目了然睇到入面放嘅乜嘢嘅收納用品，
同時盡量揀使用方便嘅一款， 例如同係透明膠樽，一款係扭蓋，一款係揭蓋，咁後者取物只需要單手及一個動作搞掂，會比較好用。
要點4：方形收納盒容量較大兼無浪費多餘空間
雖然類似嘅梯形收納盒好常見亦好受歡迎，其實若果將啲收納盒並排，中間係有浪費咗嘅空間。
反而矩形嘅收納盒，收納量其實更多，而且並排嘅時候無浪費空間位。
要點5：透明同白色收納用品容易睇到收納物
日本人買收納用品，追求顏色嘅一致性，令家居睇起上嚟更整齊，所以推介要白色或者透明。
不過對於非收納達人嘅朋友嚟講，Mei推介用透明收納盒，等容易一睇就知道盒入面放咗乜嘢。
要點6：買設計簡單嘅招牌收納盒方便增加
住得耐咗雜物多咗，日後好大機會要增加收納箱數量，Mei推介買啲設計簡單嘅招牌款式收納盒，雖然你可能覺得款式沉悶，但若果日後增加收納箱，存放起嚟就會比較整齊統一。
text/joyce
========
同場加映：
【家居達人】10個快速乾衣貼士 提高抽濕機效能、晾衫小妙招
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
