網民熱議:應唔應該用單相即熱式電熱水爐?冬天水溫會唔夠熱?速熱式同煤氣爐會較好?

文: U Magazine
2023.03.25

熱水爐相信係每個人屋企都必備嘅電器,而當屋企嘅電力係單相供電嘅情況下,使用即熱式電熱水爐又能唔能夠應付日常生活需要呢?最近有網民於連登討論區上求助,指自己屋企並唔係三相供電,就問到若使用單相式即熱電熱水爐會唔會對生活造成不便,而亦引起一眾網民熱烈討論呢個問題!

煲水沖涼好過用單相即熱式電熱水爐?冇三相供電唔應該用即熱式?
樓主表示屋企嘅煤氣熱水爐位、排氣喉位以及媒氣錶位非常阻礙,正考慮轉用電熱水爐,所以就問網民有冇使用單相式即熱電熱水爐嘅經驗:「因為屋企個煤氣熱水爐位同埋排氣喉位、錶位好x7阻住晒,想問下(吓)有冇巴打屋企用單相式即熱電熱水爐仲生存到?我屋苑無三相電」。對於單相即熱式電熱水爐嘅評價,有網民就指其效果仲差過煲水沖涼,建議單位冇三相供電就唔應該使用即熱式電熱水爐:「淨係夠暖手」、「衰x過煲水沖涼」、「冇三相(電)就咪用即熱啦」、「單相(電)唔洗(使)諗沖涼,洗手盤用架(㗎)渣(咋)」。

有網民指單相即熱式電熱水爐只能作暖手用,建議若單位並非三相供電不應使用即熱式電熱水爐。


速熱式電熱水爐更好?即熱式應選斯寶亞創?
對於樓主嘅情況,有網民就推介用速熱式電熱水爐,並指其加熱夠快,可即開即用:「Rasonic樂信RWH-ST21L,19公升速熱花灑儲水式電熱水爐,沖到,熱得好快,佢限水流,所以吹到出40分鐘熱水。沖涼肯定夠,加熱真係快。係水壓冇咁爽」、「樂信牌RWH-CT25LW中央式速熱電熱水爐(22公升),夠熱,我通常即開用,一分鐘內都可以沖涼,愈沖愈熱,勁水壓水量你就唔好預期了,三相/gas一定吊打」。另外有網民就推薦斯寶亞創嘅即熱式電熱水爐,指其銷量多之餘又平:「即熱只用斯寶亞創,真德國野(嘢)同銷量多反而平,豪宅基本上都用佢」。

有網民推薦使用速熱式電熱水爐,並指其將水加熱非常快,開爐後可即時使用到熱水,熱水供應時間亦足夠。


有網民推薦品牌斯寶亞創的即熱式電熱水爐,指其為德國產品,平之餘銷量亦多,有不少豪宅單位都使用。


電熱水爐會較易漏水?煤氣熱水爐係最好?
另外有網民提出使用電熱水爐需注意嘅地方,指用電熱水爐加熱的水會比煤氣爐高溫,較容易會有漏水情況:「電熱水爐出水比煤氣爐高溫,巴打行暗喉小心,一漏水好x煩」,亦有網民指購買儲水式電熱水爐應選購高壓式嘅款式:「買高壓式儲水果(嗰)隻電熱水爐,屋企用緊無問題,舊款低壓式先垃圾」。不過有網民就指用煤氣熱水爐嘅好處多,建議樓主應繼續使用煤氣熱水爐:「煤氣好處多,唔建議走去改用單相爐,冬天又唔夠熱,儲水式又要等煲水又倒數」、「裝到gas一定gas,我係轉open kitchen先咁做,cut左(咗)gas無計仔」。

有網民指經電熱水爐加熱的水會比煤氣爐更加高溫,會較易有漏水情況出現,探用暗喉設計的單位需加倍小心。


有網民則指煤氣熱水爐有多個好處,不建議改用單相即熱式電熱水爐。


資料補充:單相電及三相電即熱式電熱水爐
即熱式電熱水爐可細分為單相電及三相電兩款,由於電熱水爐於耗電量以及耗電功率要求上會較高,多需以三相供電驅動,不過香港只有少部份住宅採用三相供電,而使用單相即熱式電熱水爐於正常的大水流下,水溫只能提升至當日氣溫再加上二十多度,所以於寒冬加熱來水的效果並不太理想。

單相即熱式電熱水爐,其缺點為於寒冬將水加熱的表現不甚理想。


text/Jonathan
photo/HKET圖片庫

========

同場加映:

【家居達人】10個快速乾衣貼士 提高抽濕機效能、晾衫小妙招

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓