帛金公價幾多？一名網民在社交平台分享，指胞妹被好友嫌帛金封得太少，竟然事後要求「封多幾百」。女網民覺得匪夷所思，反問「帛金可以封兩次？都未聽過叫人封多d帛金，你估喜事咩！」帖文隨即引來熱議，想知更多就睇埋玄學家龍震天師傅提點辦喪禮注意事項。
一名女網民日前在Facebook群組「將軍澳主場」發文，指胞妹好友（代稱A）的奶奶過身，妹妹念在與A一場朋友，就到靈堂弔唁及送上帛金。未料幾日後就收到A的電話，稱「你俾個份帛金得101，如果我屋企人見到，就唔係幾好啦」，並要求網民的胞妹「封多幾百」。
女網民聽罷覺得難以置信，直言「好痴線！」，反問「 乜帛金有公價既咩? 帛金可以封兩次？呢D我真係唔識！都未聽過叫人封多d帛金，你估喜事咩！」有網友留言表示，「可以絕交啦」、「發死人財」、「小小心意都唔領情，哩件事已經睇清一個人」、「帛金係致祭者向死者家屬聊表心意，金額邊有得指定㗎」。
亦有部分「抵死」留言，「唔好麻煩你啦，差價直接燒俾你奶奶，記得叫你奶奶收嘢」、「下次先加啦」、「你奶奶報夢話帛金呢啲隨心得啦，你唔信落去問下佢啦」、「原來帛金都有最低消費。」
►同場加映：【今期Chill抵】香港柏寧酒店2大自助餐限時買二送一優惠！任食麵包蟹/鮑魚/牛排/魚子醬/茅台雪糕
玄學家龍震天師傅曾在網誌分享，「做帛金要以 1 為尾數，例如 101, 1,001, 10,001 等，帛金公價每人為 101，但龍師傅可以提議，絕不要做 101，隨非你真係未見過死者又或者不太熟。最好是 301，去喪禮則做 501，有關係或好朋友則隨意，如 501 再上，不要做 801，要做 1,001。想慳錢，四個人做 1,001 也可以，都算好睇。龍師傅強調一句，人熟禮不熟。參加任何婚禮，喪禮，滿月酒等，做多好過做少。你做公價，別人不會記得；但你做高價，別人可能會記你一世。」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
