日本達人推介 5款生活用品 最平HK$6入手：收納袋、豉油碟、速乾梳

「速乾梳」價錢：110日圓 含稅（約6.5港元）
購買點：日本Daiso
第一樣要介紹女士們嘅恩物「速乾梳」。顧名思義就係可以幫助縮短大家吹頭髮嘅時間。速乾梳背面用咗中空透氣設計，彎曲形嘅線條可以更貼服你嘅頭形。髮梳亦有按摩頭皮嘅作用，而速乾梳尾端亦內藏小勾，可以清理梳上嘅掉髮。好多網民試用完都表示用咗佢之後頭髮都順滑啲啊~

「竹輪裝飾器」價錢：110日圓 含稅（約6.5港元）
購買點：日本Seria
呢個竹輪裝飾器可以輕鬆為你嘅竹輪加入餡料。不過香港人可能比較少食竹輪，但佢除咗可以裝飾竹輪，只要大家發揮創意，其實煮其他料理時都可以好好利用。

「化妝品收納袋」價錢：550日圓 含稅（約32港元）
女士們嘅化妝品經常都放唔好？好可能係因為你未買佢喎！呢個收納袋有大、中、細3個呎吋，內容量大就不在話下，當中間隔仲非常好用，而旁邊嘅小洞可以用嚟放唔同嘅筆狀化妝品或化妝掃，咁樣化起妝時就唔洗左搵右搵。

「掛門衣架 2件」價錢：550日圓 含稅（約32港元）
購買點：日本THREEPPY
屋企地方細，好多時侯都搵唔到位晾衫，入手呢個就實無錯喇~ 呢2件掛門衣架就係利用咗門口嘅空間，打造咗一個可以掛衫、晾衫嘅地方。你可以選擇單個使用，或兩個中間加一枝晾衫棍，咁就可以好穏陣地一次過晾好多件衫喇！

「豉油碟」價錢：110日圓 含稅（約6.5港元）
購買點：日本Seria
呢樣家品小編都係第一次見，覺得好新奇啊！醬汁碟中間部分嘅斜面嚟，所以一倒入豉油、醬汁就會自動傾斜去一邊。而另一邊就可以放Wasabi等非流質嘅調味料，到食壽司時就唔洗再驚點豉油會成件解體喇！

（相片來源：森の家 / Mori's house@Youtube）

text/Serena

========
同場加映：
【家居達人】10個快速乾衣貼士 提高抽濕機效能、晾衫小妙招