陳家樂與「準陳太」連詩雅（Shiga）早前宣布舉行婚禮定於4月24日，而婚禮籌備進度已進入直路，星級兄弟及姊妹團亦已安排好人選。大日子即將來到，兩人亦跟足傳統「過大禮」，昨日（26日）更雙雙在社交平台上分享一輯「過大禮」的相片，大晒巨型龍鳳鈪、金豬牌等金器，可謂派場十足。
相中所見，過大禮有齊各式各樣的禮餅、海味禮品、水果籃、椰子籃及酒等，而金器方面更足足有7對龍鳳鈪、金豬牌、金耳環、翡翠頸鏈等，金光閃閃。準新娘子連詩雅在社交平台上：「還有不夠一個月。。原來比想像還有多的準備功夫，所以真係好感恩有好多兄弟姊妹。愛惜我們既好友，客戶，心情係開始有點緊張既，先來個過大禮，辛苦一班兄弟姊妹們啦～」。
而老公仔陳家樂就寫道：「準備咗幾日，今日終於過大禮。開頭以為好輕鬆，但原來都係緊張到訓唔到覺。好在兄弟多，今日著晒波衫唔踢波黎幫我做搬運工人。」祝陳生陳太新婚快樂！
►同場加映：【衝出嚟玩】超簡易2小時港島東歌連臣角砵甸乍山郊遊徑路線！從筲箕灣站出發、到終點觀海亭睇海岸靚景
圖片來源：IG@陳家樂、連詩雅
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
