無印良品無論喺日本定香港，都有唔少擁躉，今次呢位日本家居頻道「森の家 / Mori's house」嘅版主，啱啱就走咗去無印良品，買咗7 款新產品，由地氈除塵替換膠紙卷，到號稱倒轉個樽都可以噴到水嘅噴壺，仲有強調唔會黏飯嘅飯杓，實試咗究竟係咪好用，個別產品仲同其他家品店嘅出品作比拼，好值得參考吓。
新產品1：地氈除塵替換膠紙卷 售價：99日圓
家中有地氈嘅話，好多人都會用黏貼膠紙除塵轆去清潔，尤其如果家中有飼養寵物嘅話，用呢款除塵膠紙轆去清除遍布全屋嘅動物毛，十分方便。屋企有3隻貓嘅版主，以往一向用開Nitori出品嘅除塵替換膠紙卷，今次試用無印良品嘅出品，並將兩者作出比較。
首先，兩個牌子嘅大細同張數係相同。
但計埋價錢，無印良品勝。
黏著動物毛髮及塵埃垃圾能力，兩個牌子表現不相伯仲。
但版主激讚無印良品嘅打斜撕口設計，認為相當容易撕走，無印良品勝！
新產品2：布品label貼紙 售價：120日圓
可以用打印或者手寫方法，在布品label貼紙上寫上要標記物品名稱。
唔使燙上去，直接將label貼紙貼上布面就可以，版主仲話意外地貼得相得穩固。
版主話密封布儲物箱貼上呢款label貼紙，儲物箱入面有乜嘢，一目了然。
新產品3：不黏飯飯杓子 售價：290日圓
版主覺得好多飯杓都會黏飯，唔好用！呢款飯杓嘅邊緣位用咗凹凸壓印加工。
飯杓背面有個凸出位置，飯杓可以穩定地放在枱面，接觸到米飯嘅位置唔會接觸到枱面。
版主試用過，發現將煮完嘅飯由底至面攪拌時，完全無黏飯，手感亦相當好。
新產品4：倒轉都能噴嘅噴壺 售價：390日圓
版主試過多間100円家品店嘅噴壺，都覺得唔好用，但呢款無印噴壺，輕輕力就可以噴水出嚟，而且噴量好均勻。
但係最讚嘅地方，都係呢個噴壺，喺倒轉狀態都可以噴到，喺清潔如櫃底縫隙等地方嘅時候，就相當好用。
新產品5： 淺型去水位污物隔網 售價：99日圓
彈性網形袋設計，適合直徑15厘米、深度10厘米以下嘅排水口使用。
版主將呢款產品同Seria嘅同類型產品作比較，喺彈性及網嘅細密度相若，但價錢就係Seria稍便宜。
版主使用後覺得效果相當滿意，雖然產品表現同Seria相若，但對於無印良品都推出呢類產品，購物時可順便買埋呢類消耗家品而開心。
新產品6： 精致衣物洗劑補充劑 售價：299日圓
版主喜歡無香料嘅衣物洗劑，所以特地試用，用過後發現針織衣物並無變形及縮水，效果滿意。
新產品7： 馬來草拖鞋 售價：1,490日圓
這款拖鞋最大特點是拖鞋用了馬來草，感覺相當乾爽，好適合夏天同潮濕天氣穿着，版主試着感亦係覺得好爽好舒服。
text/Joyce
========
同場加映：
【蝸居睇樓團】鴨脷洲37年舊樓變身玩味彩色屋+西班牙風花磚襯湖水綠色、chill爆全白天台
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
