網民熱議:每日去康文署沐浴設施沖涼可以慳返唔少錢?水務署:使用花灑淋浴及節水器具可有效節約用水!

文: U Magazine
2023.03.31

唔知大家為咗慳錢又可以去到幾盡呢?最近有網民就喺連登討論區上發文,問若每日都去用康文署嘅沐浴設施沖涼的話,一個月到底可以慳幾多錢,就引來一眾網民對呢一種慳錢方法嘅熱烈討論!

要慳錢仲可以去快餐店瞓教?每次沖涼會用1-2度電?
樓主以「每日都去康文署沖涼 一個月可以慳幾多錢」為題發文,並指康文署嘅沐浴設施不需收費,為一種大福利:「唔收錢,大福利」,對於樓主提出呢一種咁「特別」嘅慳錢方法,有網民就笑言若於快餐店內瞓覺,更可節省埋電費及租金等洗費:「去m記瞓可以慳埋電費同上網費」、「慳埋租添(㖭)啦」,亦有網民認真解答樓主嘅問題,指出大概可節省多少電力:「(使用)半即熱式(電熱水爐)沖1次(涼)約(用)1-2度電」。

網民笑言要慳錢更可於快餐店睡覺以節省租金、電費及上網費等生活洗費。



有網民指出若使用半即熱式電熱水爐洗澡一次,約會用上1-2度電。



夏天並唔可行?沐浴設施好唔衛生?
而有網民就認為樓主提出嘅呢個慳錢方法,相當之卑鄙,亦浪費時間:「邊會咁cheap仔架(㗎),一來一回返家都嘥好多時間」,亦有網民認為於夏天時使用呢個方法並不可行:「夏天行番(返)屋企都出曬(晒)汗」、「冬天就得,夏天沖完行返屋企已經全身濕晒又要沖過」,更有網民指康文署嘅沐浴設施好污糟:「好多痰,污糟到爆」。

有網民指夏天容易流汗,到康文署的沐浴設施洗澡的方法並不可行。



有網民則指康文署的沐浴設施有嚴重的衛生問題。



去得多場地職員會認得你?香港水費其實好平?
更有網民指長期使用康文署嘅沐浴設施會被職員認得,可能會導致有麻煩發生:「你知唔知啲職員會認得你,厚面皮可以去,唔好咁串咁張揚佢唔會理你,佢一嘈你你就煩,呢啲康文小福利,唔好覺得自己攞正牌用先得嫁(㗎)」。另外有網民就指其實香港用水收費便宜,租金及電費先係最應該要慳嘅費用:「香港水費好x平」、「香港水費其實係咁多雜費之中最平嗰樣,要慳都慳租金電費啦」。

有網民指長期使用康文署的沐浴設施,有機會會被職員認出,隨時惹上麻煩。



亦有網民指香港水費便宜,節省租金以及電費會較為重要。



水務署:節約浴室用水有5種方法
根據水務署提供的資料,於浴室節約用水有下列5種方法:
1.使用花灑淋浴代替在浴缸浸浴,並縮短淋浴時間。
2.使用節水器具,例如高用水效益的花灑頭、水龍頭、洗衣機及雙掣式沖廁水箱,並留意用水效益標籤。
3.刷牙、洗臉或剃鬚時,應關掉水龍頭。
4.使用雙掣式沖廁水箱時,應就所需而選多水或少水沖廁,及避免不必要的沖廁。
5.於水龍頭安裝節流器。

水務署指節約浴室用水可使用花灑淋浴、使用節水器具、避免不必要的沖廁、於水龍頭安裝節流器以及避免長開水龍頭。



text/Jonathan
photo/HKET圖片庫

========

同場加映:

【蝸居睇樓團】鴨脷洲37年舊樓變身玩味彩色屋+西班牙風花磚襯湖水綠色、chill爆全白天台

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓