自從2月20日台灣開關，歡迎香港及澳門旅客以自助遊身份入境之後，好多台灣之友都已經立刻買機票去走一轉，不過可能好快又要再去多次！因為為咗吸引更多旅客訪台及鼓勵消費，台灣交通部提出咗一個「加速擴大吸引國際觀光客方案」，當中係包括以自助遊身份入境嘅旅客，可以獲發NT$5,000（即約1,289港元）嘅消費金，究竟名額有幾多？
為咗促進疫後觀光業復甦，台灣交通部宣布將於今年5月起推動「加速擴大吸引國際觀光客方案」，鼓勵自由行及團體旅客訪台，當中以自由行身份訪台嘅國際旅客，有機會抽獎獲得NT$5,000（即約1,289港元）嘅消費金，名額共50萬份！申請方法及領取方法詳情尚未公布，但根據台灣交通部目前嘅資料，消費金嘅「使用範圍」為「電子票證或住宿折抵優惠」，暫時估計有可能以悠遊卡或一卡通等方式發放，或以二人同行買一送一、大抽獎等方式發放，有待確定。
消費金申請方法及領取方法詳情尚未公布，但有機會透過悠遊卡或一卡通等方式發放。
亦有估計消費金會以旅客住宿優惠方式發放。
此外為鼓勵團體組團訪台旅遊，暫訂團體人數為8人或以上，可獲發NT$10,000（約2,578 港元），15人或以上團體，可獲發NT$20,000（約5,156 港元），若人數更多或逗留日數更長，消費金更多，預計獎助9萬個旅行團。
text/Joyce
photo/HKET圖片庫
========
同場加映：
【家居達人】低至＄450起！旺角／尖沙咀行李箱開倉14款精選 ！
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
