為咗環保，呢幾年大家購物時已經陸續少用膠袋，但自從「優化塑膠購物袋收費計劃」於去年12月31日起開始實施之後，所有購物膠袋都要收1元，環保署助理署長鄭健表示新措施實施咗兩個月之後，成效顯著！膠袋派發量跌逾6成。
「優化塑膠購物袋收費計劃」適用於所有商店及所有膠袋類型，每個塑膠購物袋收費由5 毫提高至最低1元，並取消對盛載冰凍或冷凍食品塑膠購物袋嘅豁免。而新措施實施以來，環保署有派人巡視咗全港18區約650間超級市場或食品店，發現超過99%嘅店舖均無喺售賣蔬果或冷凍/冰凍食品嘅地方，擺放平口袋供顧客隨意取用，環保署助理署長鄭健表示，今年首兩個月，塑膠購物袋派發量較去年同期下跌超過6成、平口袋嘅跌幅更達8成。不過當中亦發現違例個案，首兩個月當局曾發出7個口頭警告，但無商戶被罰款。
「優化塑膠購物袋收費計劃」實施之後，塑膠購物袋派發量較去年同期下跌超過6成、平口袋嘅跌幅更達8成。
根據環境保護署資料，今次新措嘅施罰則主要針對商戶，於以下兩個情況：1.未獲豁免物品下商戶直接提供塑膠購物袋予顧客；2.以回贈或折扣方式抵銷塑膠購物袋一元款額。環保署可以向商戶發出定額罰款通知書，罰款2,000元。若重複或有系統性嘅嚴重違規行為，首次被定罪最高可處罰款100,000元，其後每次被定罪，最高可處罰款200,000元。每年年底，相關政府部門都會喺堆填區統計膠袋棄置量，再檢視相關政策下一步路向。鄭健重申，徵費目的並非為咗罰款，而係希望改變市民嘅生活習慣，故署方會透過加強減塑宣傳教育，務求做到「零檢控」。
「優化塑膠購物袋收費計劃」嘅罰則，其實係針對商戶，如果被發現違規，可罰款2,000港元。
text/Joyce
photo/HKET圖片庫
========
同場加映：
【家居達人】低至＄450起！旺角／尖沙咀行李箱開倉14款精選 ！
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
