長者身體病痛較多，時常都要做身體檢查及睇醫生，對收入較少嘅長者嚟講，造成幾沉重嘅財政負擔，所以政府嘅長者醫療券真係好幫到手！而政府剛公布，由4月17日起，合資格並居於深圳嘅長者，可以使用醫療券支付香港大學深圳醫院「華為荔枝苑社區健康服務中心」（華為社康中心）門診醫療護理服務嘅費用，令居於深圳嘅長者更方便以及有更好嘅醫療服務。
毋須預先登記 但唔適用於住院服務同做手術
年滿65歲並持有有效香港身份證或入境事務處發出的《豁免登記證明書》嘅長者，即符合資格領取及使用醫療券支付私營基層醫療服務嘅費用，而醫療券係透過電子平台發放同使用，合資格嘅香港長者毋須預先登記、領取或攜帶醫療券。只需要親身前往華為社康中心，出示有效嘅香港身份證或《豁免登記證明書》，便可使用醫療券支付當日喺指定科室/健康服務中心接受門診服務嘅費用。中心會為有關長者申報，並即時更新其醫療券戶口入面嘅使用紀錄，以及向長者提供印有其醫療券戶口餘額嘅紀錄，以供保存。惟相關安排唔適用於住院服務，以及須預先繳費嘅醫療服務和日間手術程序，醫療券亦不適用於單純購買物品、藥物、醫療儀器和用品，亦唔可以兌換現金。
是項擴大醫療券服務範圍，適用於港大深圳醫院華為社康中心嘅門診服務，毋須預先登記、領取或攜帶醫療券。
惟唔適用於住院服務，以及須預先繳費嘅醫療服務同日間手術程序。
政府為咗便利居於深圳或鄰近地區嘅合資格香港長者，自2015年起推行港大深圳醫院試點計劃，並於2019年6月將該試點計劃恆常化，讓長者使用醫療券，支付港大深圳醫院指定的門診醫療護理服務費用，華為社康中心為港大深圳醫院的外設醫療機構。現時，每名合資格長者每年可獲發的醫療券金額為 2,000元，而醫療券累積金額上限為 8,000元。
華為荔枝苑社區健康服務中心為港大深圳醫院的外設醫療機構。
text/Joyce
photo/HKET圖片庫、網上圖片
============
同場加映：
【蝸居睇樓團】天水圍夫婦+5貓貓靚景愛巢 17.5米實穿全屋空中貓橋、書櫃內藏跳格貓砂盆
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
