前兩晚電視節目《東張西望》入面，已故著名演員成奎安嘅弟婦喺節目入面控訴，話喺「不知情」嘅情形下，發現先夫墳墓全個被破壞，甚至連骸骨都被移走，於是向成家投訴，但成奎安兒子卻回應指依圍村人傳統，先人過身8至10年後，係會從棺木起出骸骨，再轉移去金塔存放……但由此就引伸出一個問題：清明節將到，如果拜山時不慎破壞或損毀咗墓地，算唔算係犯咗刑事罪行呢？
雖然新界唔少原居民有將先人骸骨從土葬嘅棺木起出嚟，移放至金塔嘅傳統，但根據節目入面訪問陸偉雄大律師所講，原來墓地被毁壞，一定算是刑事罪行，而好有機會出現兩種罪行：
1.故意將有人興建嘅墓地損壞，當然算是刑事毁壞；
2.但有些情況下，並非是把墳墓破壞，而是挖開土壤，拿走骸骨，犯法情況就不屬於刑事毁壞部分，算是犯了食環署的罪行。
唔少新界原居民都有習俗，先人過身後約8至10年，會將原本土葬嘅骸骨起出嚟，轉移至金塔另覓風水位擺放。
原來根據《公眾衛生及市政條例》第118條，任何人士如果未得到食環署署長書面批准，係唔可以非法掘墳墓。而節目主持人向成奎安兒子成旭文查詢時，成旭文卻指出他們並不需要向食環署申請，因為他們所住嘅區域，係有個區域劃成原居民嘅葬地，傳統習俗都係咁樣，掘起先人骸骨係成家自家家族嘅事。但當主持再追問陸偉雄大律師係咪鄉例可以凌駕法律時，陸律師卻稱唔可以，就算村長話掘，點都要得到食環署署長批准。
但根據陸偉雄大律師所講，原來毁壞墳墓係屬刑事罪行，即使係挖開土壤，拿走骸骨，原來係要得到食環署署長書面批准，即使有原居民鄉例亦不能豁免。
text/Joyce
photo/HKET圖片庫
============
同場加映：
【蝸居睇樓團】天水圍夫婦+5貓貓靚景愛巢 17.5米實穿全屋空中貓橋、書櫃內藏跳格貓砂盆
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
