《全民造星III》的陳葦璇（Kira）除咗能唱能跳外，原來佢對家居收納都有一定心得。不時都會於個人YouTube channel分享執屋小貼士，更廣邀素人幫佢哋間屋嚟個大變身。而《素人家居改造系列》已經拍到第9集，今集Kira去到一個單身女子屋企，滿地雜物兼且喺廚櫃發現咗一個碎咗嘅膠袋㖭呀！究竟今次Kira又搞唔搞得掂呢？
空間有限 雜物太多
Kira將執屋變成興趣，不時喺個人YouTube channel分享整理心得外，更廣邀素人幫佢哋執屋。前8集嘅《素人家居改造系列》Kira 累積唔少經驗值後，今次去到一個287呎的單身女子屋企。
步入屋主Jac家 ，已見到滿地雜物，廚房堆滿煮食用具令屋主冇位置備菜，這些都屬小兒科。最誇張嘅係，喺整理過程中Kira發現一個粉碎咗嘅膠袋！究竟係屋住懶執屋，定係堆積嘅雜物太多無從入手，繼而放棄人生呢？ Kira表示：「其實Jac嘅情況都好常見，空間有限，而且太多雜物。有時因為貪方面又或者驚擺埋咗一邊就搵唔到，就將啲嘢放喺當眼處，雜物又冇統一位置收納，整亂咗又唔想執，漸漸就會出現Jac間屋而家嘅情況。」
BEFORE
玄關位鞋櫃位置堆滿用紙袋及手袋，而且仲發現Jac為咗貪方便，會將襪放喺鞋櫃隔離，令走廊位寸步難行。
廚房隔離的層架堆滿食材、焗爐及雜物。
工作平台已經被餐具霸佔所有位置，根本無備菜空間。
Kira 喺廚櫃發現一個陳年膠袋，而且已經碎晒，確實誇張！
電視櫃堆滿雜物。
主人房的衣櫃堆滿衣物，只是用櫃架擺放容易有傾瀉倒塌的危機。
分享改造後 點樣維持現狀
經過2日嘅大執屋後， Kira與Jac丟咗唔少根本用唔到的雜物以及過期食品，之後將空間來個大執位。
首先鞋櫃位擺放一些出門時會用到的物品，如口罩、消毒噴霧、香水及紙巾等。之後將原本放喺梳化左面的矮櫃搬到鄰近廚房位置，上層可以擺放經常使用的焗爐及飯煲；下層則擺放大型的碗踠碟碟以及Jac的最愛 — 酒。
AFTER
門口玄關位置的鞋櫃，擺放出門前或後會使用到的物品，如口罩、消毒噴霧及香水。
鞋櫃則就用環保袋將戶主的襪放在一起，方便她穿着。
廚房方面， Kira幫屋主添置了碗碟及調味架，騰出台面空間等戶主大展廚藝。而微波爐上層較高位置，即之前見到碎膠袋的位置，則擺放備用食材。
至於之前擺滿雜物的雜物架，現在就可以擺放戶主的書籍，下層用上同色系的收納籃擺放文件。電視櫃擺一些收納盒放雜物之餘，又不易積塵。梳化底位置亦添置矮身收納櫃。而之前擺放喺玄關位附近的方架，就改放在梳化左手面，掛一些着過一次的衣服。
較窄身的入牆櫃，因為不易擺放物品。 Kira索性將戶主好少機會用到的東西放在裏面，再放一個矮櫃擺放煮食用品。
雜物架就擺放戶主的書籍及工作用文件。
廚房工作台面就用碗碟架擺放餐具，騰出空間給戶主煮食。
改造完之後，除整齊咗外，依照戶主的使用習慣擺放，而經常使用的物品放在同一個位置，就唔會咁易「打回原形」啦！ Kira就話，如果唔想間屋咁快又亂番的話，最好每星期搵一日整理屋企，將物品歸位就唔會咁易亂啦！
電視櫃用收納盒放雜物，美觀得來又不會積塵。
梳化底則放矮身收納盒增加收納空間。
梳化左手面，就擺放衣架掛著過一次的衣服。
Kira將原本的垃圾筒，在上面加上一塊層板就變成小茶几。
至於主人房的衣櫃，原本戶主用層架擺放衣物，現在改用膠櫃，睇落整齊之餘亦容易拿取。
【info】
如果大家都想搵Kira幫你執屋的話，可以去佢嘅IG報名
IG：hahakirac
YouTube：陳葦璇Kira
============
同場加映：
【蝸居睇樓團】保良局青年綠洲宿舍 $1,775起入住！ 獨立衛浴、開放式廚房、SINOMAX床褥 續約要做義工？
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
