《造星III》陳葦璇化身收納師 287呎雜物單身女家變簡約日系風

空間有限 雜物太多
Kira將執屋變成興趣，不時喺個人YouTube  channel分享整理心得外，更廣邀素人幫佢哋執屋。前8集嘅《素人家居改造系列》Kira 累積唔少經驗值後，今次去到一個287呎的單身女子屋企。
步入屋主Jac家 ，已見到滿地雜物，廚房堆滿煮食用具令屋主冇位置備菜，這些都屬小兒科。最誇張嘅係，喺整理過程中Kira發現一個粉碎咗嘅膠袋！究竟係屋住懶執屋，定係堆積嘅雜物太多無從入手，繼而放棄人生呢？ Kira表示：「其實Jac嘅情況都好常見，空間有限，而且太多雜物。有時因為貪方面又或者驚擺埋咗一邊就搵唔到，就將啲嘢放喺當眼處，雜物又冇統一位置收納，整亂咗又唔想執，漸漸就會出現Jac間屋而家嘅情況。」

BEFORE

玄關位鞋櫃位置堆滿用紙袋及手袋，而且仲發現Jac為咗貪方便，會將襪放喺鞋櫃隔離，令走廊位寸步難行。

廚房隔離的層架堆滿食材、焗爐及雜物。

工作平台已經被餐具霸佔所有位置，根本無備菜空間。

Kira 喺廚櫃發現一個陳年膠袋，而且已經碎晒，確實誇張！

電視櫃堆滿雜物。

主人房的衣櫃堆滿衣物，只是用櫃架擺放容易有傾瀉倒塌的危機。

分享改造後  點樣維持現狀
經過2日嘅大執屋後， Kira與Jac丟咗唔少根本用唔到的雜物以及過期食品，之後將空間來個大執位。
首先鞋櫃位擺放一些出門時會用到的物品，如口罩、消毒噴霧、香水及紙巾等。之後將原本放喺梳化左面的矮櫃搬到鄰近廚房位置，上層可以擺放經常使用的焗爐及飯煲；下層則擺放大型的碗踠碟碟以及Jac的最愛 — 酒。

AFTER

門口玄關位置的鞋櫃，擺放出門前或後會使用到的物品，如口罩、消毒噴霧及香水。

鞋櫃則就用環保袋將戶主的襪放在一起，方便她穿着。

廚房方面， Kira幫屋主添置了碗碟及調味架，騰出台面空間等戶主大展廚藝。而微波爐上層較高位置，即之前見到碎膠袋的位置，則擺放備用食材。
至於之前擺滿雜物的雜物架，現在就可以擺放戶主的書籍，下層用上同色系的收納籃擺放文件。電視櫃擺一些收納盒放雜物之餘，又不易積塵。梳化底位置亦添置矮身收納櫃。而之前擺放喺玄關位附近的方架，就改放在梳化左手面，掛一些着過一次的衣服。

較窄身的入牆櫃，因為不易擺放物品。 Kira索性將戶主好少機會用到的東西放在裏面，再放一個矮櫃擺放煮食用品。

電視櫃用收納盒放雜物，美觀得來又不會積塵。

梳化底則放矮身收納盒增加收納空間。

梳化左手面，就擺放衣架掛著過一次的衣服。

 Kira將原本的垃圾筒，在上面加上一塊層板就變成小茶几。

至於主人房的衣櫃，原本戶主用層架擺放衣物，現在改用膠櫃，睇落整齊之餘亦容易拿取。