父母過身留低遺囑，本來用意就係等仔女可以跟住入面嘅安排分配遺產，唔使有爭抝，但點知會演變成家族「溏心風暴」！《東張西望》就播出一單個案，事主司徒先生父親生前立下遺囑，但指定要由大哥及二家姐共同簽名擔任遺囑執行人，但點知二家姐同大哥及身為五弟嘅司徒先生向來不和，「存心玩嘢」唔肯簽紙之餘，又指大哥私吞亡父亡母嘅金器首飾離間兄弟之間感情，最後仲大打出手，聲稱被打嘅二家姐出律師信控告大家……等錢使嘅司徒先生可以點做，先可以獲得亡父嘅遺產呢？
根據亡父遺囑，應該係有股票連現金大約270萬，供司徒家5兄弟姐妹及大嬸分，大約每人可獲得四十多萬，但要取得呢份遺產，需要由亡父指定嘅遺囑執行人大哥及二姐共同簽名，但向來同各人不和嘅二姐，一樣唔肯簽紙，甚至話因為亡父欠自己兒子10萬，所以要求司徒先生獲得遺產之後要扣返10萬作還錢，雖然事主覺得無理，但急需現金周轉嘅佢都無奈答應二姐要求。但上到律師樓，二家姐忽然反口，指父親同大哥有個共同保險箱，入面有300兩金及90件首飾，唔肯同其他兄弟姐妹共分！而大哥卻攞出單據，話呢批金飾一早已經變賣，由大哥、大嫂、二家姐及五弟即場攤分現金，指二家姐誣陷！
身為五弟嘅司徒先生表示亡父指定嘅遺囑執行人二姐不但唔肯簽名，令大家都攞唔到遺產，仲要從佢遺產中扣除10萬蚊當幫亡父還債。
（左）司徒先生及大哥（中），現指另一個遺囑執行人二家姐（右）誣陷私吞亡父金飾等財產。
但大哥攞出單據，指父親保險箱內嘅金器及珠寶一早已變賣並已即場分錢。
結果竟然由口角繼而動武，二家姐指被大嫂及五弟毆打，報警及出律師信控告並要求賠償……無奈而不滿嘅司徒先生指即使獲得遺產，都唔夠錢打爭產官司……究竟呢件家庭爭產糾紛，仲可以有乜嘢辦法解決？
據陸偉雄大律師所講，遺囑執行人有責任根據遺囑嘅意願，分配好遺產，唔可以私自增加條件。以呢件事件為例，事主家姐刻意刁難，如果冥頑不靈唔肯從善如流嘅話，其實其他家庭成員，係可以採取法律行動，將二家姐撤職，由法庭委派另一個遺囑執行人代其執行職務。
後來大家由口角爭執變成動武，二家姐指被大嫂及五弟毆打，並報警及出律師信控告要求賠償。
陸偉雄大律師稱，其實司徒家其他家庭成員可以採取法律行動，將二家姐撤職，由法庭委派另一個遺囑執行人代其執行職務。
text/Joyce
============
同場加映：
【蝸居睇樓團】天水圍夫婦+5貓貓靚景愛巢 17.5米實穿全屋空中貓橋、書櫃內藏跳格貓砂盆
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
