回南天天氣潮濕真係令唔少家庭都好苦惱！洗完嘅衣服晾好耐都唔乾、地面及天花板出現霧氣同水滴，廁所、浴室更加係重災區，空氣瀰漫住一股噏臭味，陰暗角落更開始長出黴菌，如果唔即時處理，黴菌就會繼續滋生，附近嘅地方都會黑咗一大遍，睇落去唔美觀之餘，吸入去對人體都會造成影響。如果想徹底清除黴菌，就可以睇睇以下有咩辦法。
黴菌多數喺高溫又潮濕嘅環境下生長，所以廁所及家中一些陰暗嘅角落都係佢地嘅溫床，而黴菌所釋出嘅氣味正正係我哋聞到嘅噏臭味及霉味。要解決黴菌，首先就要了解黴菌生成嘅4大原因。
除咗上述提及到高溫潮濕容易滋生黴菌，通風不良、灰塵積聚以及環境骯髒都係致菌嘅因素之一。
原來黴菌會喺環境中分泌酵素，吸收周遭嘅蛋白質、塵埃，甚至係食物碎屑同毛髮皮屑作為營養。所以如果屋企唔保持清潔，就會畀黴菌有機可乘㗎啦～
居家防潮防霉 做好以下４件事
開窗通風換氣：平時可以多打開窗令空氣流通，有助去除室內嘅濕氣，亦可以利用小風扇加強室內空氣與室外空氣嘅對流。
家具擺放留空隙：家具與牆面之間可預留大約5cm嘅距離，有助空氣流通，濕氣冇咁容易囤積喺牆身及角落。
保持家居清潔：培養定期打掃環境嘅生活習慣，不要令毛髮皮屑、食物碎屑及塵埃等成為黴菌嘅營養，能有效預防黴菌滋生。
善用防潮小物：日常生活中可以利用一些天然嘅材料製作吸濕防潮包，如梳打粉、茶葉、粗鹽等，平時喜歡飲咖啡的話，更可以利用咖啡渣製防潮包，既吸濕又能去除異味。
text/bee
============
同場加映：
【家居達人】「家務天后」教你KO屋企頑固污漬
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
