網民熱議：屋企裝修揀訂造櫃定現成櫃好？ 同一價錢下現成櫃更高質？訂造櫃令全屋更有統一感？

現成櫃更抵？但材料同耐用性都較差？
樓主發文問有冇網民屋企裝修係冇選用到訂造櫃，並表示感覺選用現成櫃會更為化算：「有無(冇)人裝修無(冇)用訂造櫃？幾塊板都兩皮，如果用現成櫃感覺慳好多」，有網民就認同選購訂造櫃唔抵，並指於相同價錢下，買現成櫃嘅質素會更高：「其實你用同一budget，買現成傢俬會靚過訂造好多」、「訂造幾皮嘢一個櫃都係普通大陸料，用同一budget買到日本靚木傢俬」

但亦有網民指現成櫃嘅材料以及耐用性都會較訂造櫃差：「現成櫃既(嘅)木好多都係蔗渣板 (IKEA、實惠etc)，訂做(造)傢俬通常都係夾板」、「宜傢(家)(啲櫃)既(嘅)顏色配搭好多樣化，但材料既(嘅)耐用性、厚度都好差，背板2分板，唔受力，好易損耗，如果你果(嗰)區容易潮濕真係1、2年就會有問題」

有網民指於相同價錢下，選購現成櫃的質素會較訂造櫃高。

有網民則指大多現成櫃的木材為蔗渣板，耐用性以及用料會較訂造櫃差。

訂造櫃同現成櫃價錢相若？於內地選購會更化算？
對於訂造櫃比起現成櫃較貴嘅問題，有網民就指訂造屬專門度身打造，價錢較高係相當合理：「訂造係專門為你而做，點解唔係收費(貴)啲，無人話個料靚」，至於係咪真係會較貴，有網民就表示自己屋企所選購嘅訂造櫃其實都係同現成櫃價錢相若：「我全屋9成都係訂造入牆formica夾板櫃，訂造同ikea基本上差唔多價，訂ikea同樣要裝工運費，唔覺得要天價」，更有網民指可於內地選購訂造櫃則會較為便宜：「訂造一定直接搵大陸廠啦，上深圳睇板(版)，又唔洗(使)比(畀)香港啲狗x裝修designer食一浸，幾皮野(嘢)用靚板夠做晒成間屋啦」

有網民表示自己家中所選購的訂造入牆夾板櫃價錢其實與現成櫃相若。

有網民建議訂造櫃可於內地的工廠選購，價錢會相對合理。

選用訂造櫃有統一感？現成傢俬都可以襯得靚？
而有網民就認為屋企選用訂造櫃能有令全屋有統一感，亦可自行決定櫃嘅設計以及所選用嘅材料等好處：「去搵個frd(Friend)屋企參觀下(吓)，試過有個無印家庭執齊晒啲色tone(色調)、擺設、傢俬，真係差好遠下，主要係統一感」、「訂造最主要係自己可以(選)擇飾面同埋月(材)料，而且可按自己design去訂制」，不過亦有網民指出以香港普通家庭來說，少見整得靚嘅訂造傢俬：「香港普通家庭嚟講，訂造嗰啲真係冇見過邊個整得靚，仲通常整到成屋都係，又要整到頂，逼到死」，更有網民直言其實全屋用宜家家居嘅現成傢俬都能有美觀效果：「要襯的話全屋ikea都可以襯得幾靚」

有網民指訂造櫃能令全屋有統一感，亦有可自選設計及用料的好處。

有網民則指就算全屋採用宜家家居的傢俬亦可同樣美觀。

text/Jonathan
photo/HKET圖片庫

============
同場加映：
【蝸居睇樓團】保良局青年綠洲宿舍 $1,775起入住！ 獨立衛浴、開放式廚房、SINOMAX床褥 續約要做義工？