好多香港人嘅假日活動，都鍾意叫親朋戚友上屋企打麻雀，開多幾枱就更加熱鬧！小賭怡情，贏返少少錢當發橫財，真係好開心……但有無諗過，即使喺私人地方，但用現金賭博，究竟有無犯法呢？一直都有「傳聞」話如果喺屋企同時開多過一枱麻雀就算聚賭，究竟又係唔係呢？電視節目《LAW霸女神》就搵到律師解答呢啲有關家居打麻雀常見嘅疑團。
據李健志大律師所講，原來根據香港法例第148章，《賭博條例》第3（2）條，以下清況下嘅賭博唔算犯法：1.無專人做莊；2.無人抽水/抽佣作利潤；3.係聯誼性質嘅活動；4.並非以生意形式經營，例如無提供餐飲或其他費服務等。至於一戶人可以開幾多枱麻雀，基本上並無限制，但萬一事件真係要告上法庭，法庭就真係有機會考慮事發時現場開咗幾多枱麻雀。但反而要注意嘅係，近年流行玩嘅Poker，玩得比較專業時，有玩家會請個要收取佣金嘅專業發牌員，呢個時候就有機會觸犯賭博條例。
原來家居打麻雀有無犯上賭博罪，係咪賭現金並非重點。
而一直流傳話如果一個住宅內同時開多過一枱麻雀就算聚賭，亦屬訛傳。
據李健志大律師所講，打麻雀只要緊記唔好犯4 大要點，就唔會犯賭博罪。
有人玩Poker會聘請個要收取佣金嘅專業發牌員，呢個時候就有機會觸犯賭博條例，記緊小心。
text/Joyce
photo/HKET圖片庫
============
同場加映：
【蝸居睇樓團】龍師傅話你知！屋企電器易壞都關風水事？！ 今年兩個方位易壞電器 + 點放風水擺設先聚財
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
