一家人住村屋，買架二手車代步真係方便好多！伹有無諗過買嘅二手車，原來上一手曾經被非法用作白牌車仲被訂罪，結果竟然連累新車主都要受罰，架車要被扣押呢？《東張西望》就講咗一個咁樣嘅個案，運輸署同汽車協會都建議買二手車前要先申請「清白紙」就可以避免承擔上手車主嘅刑責，究竟係乜嘢一回事？
個案中嘅事主蘇先生住村屋，為咗方便出入，2021年中買咗部二手車，於該年8 月成功喺運輸署審批過戶，點知到咗9月25日，運輸署以書面通知佢，話呢部車於2021年5月5日，曾借畀別人使用，當時使用者犯咗「涉嫌干犯非法載客賺取酬金罪」，即車輛被非法用作白牌車，但而家即使架車已過戶畀蘇生，但仍然要將車扣押三個月，蘇生覺得不服要上訴，案件於今年2月15日喺交通審裁處聆訊，蘇先生表示佢係喺2021年7月先喺車行睇中部車，應該唔關佢事！
蘇生問過運輸署，話類似個案，警方一般係相隔7日通知運輸署，如果根據呢個通報機制，蘇生根本應該唔會買到呢部車，但今次警方係喺9月21日先通知運輸署，當中相隔4個多月！警方解釋係喺5月24日收到舉報，立刻作出調查，獲取足夠證據後，已經立刻通知運輸署，涉案司機已被訂罪並罰款$2,000，雖然蘇生多番解釋，但交通審裁署仍然要將車扣押三個月！交通審裁署裁決嘅理由，竟然係因為蘇生無申請過「清白書」（即「要求發給無欠繳罰款或訴訟費記錄及無違例記錄證明書」）！如果有申請嘅話，其實72小時之後就可以豁免上手車主嘅罪責。
事主蘇先生新買二手車，但原來上手車主曾經涉嫌將車非法當白牌車用途收取利益，雖然車主已經被罰款，但蘇生仍然要面臨車要被扣押三個月嘅刑責。
免費申請「清白紙」可豁免前車主違例刑責
睇返車輛過戶通知書，喺警告一欄有寫：「預備買車的人士向任何牌照事務處申請發給有關要求發給無欠繳罰款記錄及無違例記錄證明書，以確定涉及該車的罰款已繳清，而該車輛亦沒有停牌的可能。」但就並無提醒過新車主，如果無申請，可能要承擔前車主違例嘅刑責；亦無講到，如果申請咗，若車輛過戶後現前車主違例要停牌，新車主可以豁免受刑責。蘇生話問過超過10間車行，車行都話好少會叫買家申請「清白紙」，
蘇生問過超過10間車行，都表示好少會叫二手車主申請「清白紙」。
就「清白紙」嘅用途，節目去信運輸署查詢，回覆指：「若果新車主過戶時無清白紙，車輛過戶後仍有可能因為過戶前犯白牌車罪行被定罪，以及被運輸署暫時吊銷牌照及扣車，清白紙並非車輛過戶時的必須文件，但市民應審慎考慮風險，再決定是否繼續其車輛過戶的申請。」
運輸署書面表示：「若果新車主過戶時無清白紙，車輛過戶後仍有可能因為過戶前犯白牌車罪行被定罪，以及被運輸署暫時吊銷牌照及扣車。」
右軚汽車商會主席羅少傑就話，其實申請「清白紙」係最好嘅，反正亦係免費，不過麻煩之處在於運輸署嘅排隊問題嚴重，如果每架二手車轉手都咁做，都好花時間，所以車行亦唔會每部車都去申請「清白紙」。但就本次個案，個裁決係有啲問題，係咪應該搵運輸署或者警方澄清一下，究竟個案入面係咪有嘢搞錯咗，定係有啲條例未完善！
右軚汽車商會主席羅少傑就話，其實申請「清白紙」係最好嘅，反正亦係免費。
text/Joyce
photo/HKET圖片庫
============
同場加映：
【蝸居睇樓團】天水圍夫婦+5貓貓靚景愛巢 17.5米實穿全屋空中貓橋、書櫃內藏跳格貓砂盆
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
