現年36歲的前TVB花旦王君馨（Grace），自2021年年底宣布正式離巢效力14年的TVB。王君馨於2007年奪港姐亞軍入行，2015年憑《城寨英雄》的打女角色登上事業高峰；三年前勇敢豁出去追夢，自資以獨立歌手「G.Racie」名義先後推出三首跳唱作品。最近，王君馨就作客電台節目《星光背後》，親解兩年前離巢大台因由外，還剖白了外間對她踩過界做歌手的疑惑。
紐約長大的王君馨於2016年在事業高峰之際，嫁給圈外丈夫Daniel成為人妻，婚後搏殺唱跳路線，最近就忙於為首支英文主打《LIGHT IT UP》宣傳。王君馨在《星光背後》專訪中談到，自小夢想做跳唱歌手，16歲時曾有機會簽約台灣HIM華研音樂以女團出道做飛輪海的師妹，最後因友情及承諾放棄，直至6年前遇上鍾舒漫，重燃她內心跳唱夢的一團火。
自幼習舞的王君馨早在美國唸高中時，曾與兩位同學組過一隊三人女子嘻哈組合「SEVEN XPRESS」，曾以組合名義於當地辦過慈善演唱會。王君馨更自爆原來當年曾有機會簽約台灣HIM華研音樂，一嘗跳唱歌手夢以女團出道做飛輪海的師妹，卻因為與拍檔的一個承諾而拒絕了對方的邀請，「我哋三個女仔去台灣面試之前，承諾過大家要一齊去一齊返，但對方只係想簽我一個，所以就turn down咗。」
談到曾在TVB星夢簽約兩年做歌手，王君馨表示自己對唱劇集歌的滿足感不大：「似唱緊人哋嘅故事，我想自己嘅歌有自己嘅故事或訊息。」2020年，王君馨轉型成為獨立歌手：「雖然我喺音樂路嚟講算係比較遲，但我驚我四十歲未必有勇氣去做呢樣嘢。」除此之外，原來王君馨在追夢路上，亦曾獲丈夫鼓勵追夢而放棄置業：「樓可以遲啲買！但夢過咗就過咗，我唔想自己後悔！」
王君馨三年前以獨立歌手G.Racie身分推出的處女作《Casada》成績甚好，一度成為903叱咤樂壇流行榜專業推介亞軍，王君馨更自揭歌曲原來亦險些成為ViuTV Chill Club推介榜冠軍歌，惟礙於身份關係未能道謝：「我記得嗰陣佢哋想畀Number 1我，但因為個身份仲喺舊公司，我唔可以say thank you。」
之後，她還承認被禁無法現身當年有資格候選生力軍的叱咤頒獎禮。而節目完結前，王君馨透露自己為追夢而暫緩生小孩子的想法，「我唔想有一日望住仔女，對佢哋講我為咗佢哋所以無追夢！」她希望有個心理準備，完成手上想完成的工作，才全心全意地做一個負責任的母親。她謂：「我同老公都想要小朋友，所以其實大家都會有少少壓力！」
►同場加映：【香港周圍遊】直擊香港迪士尼樂園StellaLou x 香港芭蕾舞團新表演！限定45場騷/Duffy好友齊現身
圖片來源：《星光背後》、IG@王君馨、節目截圖、劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
