近年大家都提倡環保，實行「減廢．走塑」生活，如減少便用即棄餐具、膠飲管及少用一次性購物袋。但有時日常生活好難避免唔用塑膠料物品，其中一樣就是我們經常用的保鮮紙。有對澳洲夫婦就研發出利用馬鈴薯製成保鮮紙，可自然分解唔會留底任何塑膠痕跡，更可變成可堆肥的有機原料。
===========
同場加映：
【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外
============
馬鈴薯皮製保鮮紙 對環境零負擔
雖然近年有唔少保鮮方面，如改用食物盒或蜜蠟布等等，希望能夠代替環鮮紙，但始終效果與方便程度未及保鮮紙。
澳洲有對分別任職建築師及從事食品生意的夫婦，因為熱愛烹飪，過程中每次都會使用到保鮮紙，覺得好唔環保。心諗會唔會有替代到保鮮紙又唔會破環境的產品呢？
於是佢哋創立咗生物材料公司Great Wrap，公司由一班生物設計師、工程師及科學家組成，經多年研究後發現原來將馬鈴薯皮提取的澱粉，再熱化成熱塑性澱粉（TPS）後，再加入食用油及木薯一齊混合，可製成天然的生物聚合物添加劑，而且彈性及拉扯效果與用聚乙烯製嘅保鮮紙是一樣的，直情可將廚餘循環再用，夠晒環保！
Great Wrap保鮮紙兩位創辦人Julia 及 Jordy因為經常使用保鮮紙，唔希望因此破壞環境，所以研究馬鈴薯保鮮紙。
保鮮紙除了可以保鮮食材。其韌力更可取代搬屋及運貨使用的包裝膠膜。
180日可被分解變種植用肥料
利用廚餘製成保鮮紙雖然厲害，但這絕對唔係兩婦夫嘅最終目標。佢哋希望將保鮮紙變成有機堆肥料，真正做到零廢料！
而呢隻保鮮紙有著「可生物降解」的天然特性，能夠在被丟棄後嘅180天內被分解，再生為土壤中嘅肥料。現時，產品只可以喺土壤中可被分解，兩夫婦嘅終極目標係可以在海洋及水生環境中被分解，現在公司正與墨爾本Monash大學合作研究中，希望佢哋可達成心願。
兩婦夫希望這款保鮮紙，除了可以分解後變成肥料外，目標係能夠喺一年內於海洋及水生環境中被分解。
Great Wrap 保鮮紙連馬卡龍色收納器。AUD 35 （約183港元）
【info】
Great Wrap
網址：https://greatwrap.com.au/
相片來源：great_wrap@IG
Text/Tabo@chibi
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
