網民熱議：上深圳訂造傢俬好唔好？有冇伏？會有害蟲問題？就算香港訂造都係大陸製造？

會有甲醛同床蝨？喺香港訂造傢俬都係由內地製造？
樓主以「深圳訂造傢俬」為題發文，並問到於深圳訂造傢俬嘅推薦以及值得注意嘅地方：「想問下(吓)有冇ching(師兄)試過係(喺)深圳訂造傢俬送去香港可以推薦，有冇咩要注意？」。對於樓主打算喺深圳訂造傢俬，有唔少網民就恐防會有安全以及害蟲問題：「Bed bug(床蝨)放題，正啊」、「有蚤」、「甲醛放題」，亦有網民認為於深圳所訂造嘅傢俬只能預用到兩至三年：「預兩三年貨仔」

不過都有唔少網民指出就算喺香港訂造傢俬都同樣會係由內地製造：「唔好傻啦，香港公司一樣係大陸廠做」、「香港個(嗰)d(啲)室內設計一般都係大陸訂造，除非指明外國料」、「實惠、ikea咪又係全部made in China」

有網民擔心於深圳所訂造的傢俬會有床蝨、甲醛以及耐用性不足等的問題。

有網民則指其實於香港所訂造的傢俬都同樣會是由內地所製造。

需花更多時間同精神去跟進？淘寶買傢俬隨時「手尾長」？
有網民就指出於深圳訂造傢俬雖較為便宜，但就需花費更多時間及精神去作跟進：「睇你時間值唔值錢，你薪金好低想慳皮可以，自己花精神時間塊(去)跟，你有少少錢，覺得時間重要過金錢，比(畀)錢人幫你跟，類似買保險原理，佢跟溜(漏)，x到佢幫你執返好，乜都唔識，比(畀)大陸佬玩9死都唔出奇，上網有成功例子，唔知有幾多衰左(咗)你唔知」、「時間一定係問題，樣樣要自己同廠deal，你同設計公司傾佢幫你諗定好多嘢，有問題仲要自己同廠跟」

另外有網民就認為雖然市面上嘅傢俬都係內地製造，但若於淘寶選購傢俬隨時「手尾長」，建議喺香港訂造更為妥當：「市面就9成以上都係大陸傢私(俬)，夾板架(㗎)啦，不過真係唔好自己淘寶咁onX，好多手尾執，香港搵番(返)d(啲)公司搞啦」

有網民指於深圳訂造傢俬可節省金錢，但卻需用更多的精神以及時間作跟進。

亦有網民指雖市面上的傢俬多為內地製造，但於淘寶買傢俬隨時有不少問題需日後作跟進。

深圳所訂造嘅傢俬質素冇問題？喺深圳訂同喺香港訂冇分別？
而亦有網民分享自己喺深圳訂造傢俬嘅經驗，表示會有於香港嘅師傅幫忙跟進，傢俬質素上亦並無太大問題：「Covid果(嗰)時都搵左(咗)人整 ，佢地(哋)香港有師傅幫佢地(哋)度尺同畫圖，用whatsapp同你溝通，間間都係大陸廠整，講到香港買就好乾淨咁，年中都大把人係香港買完中伏，豐儉由人啦」、「早幾年訂左(咗)幾個櫃，加張床，5樣野(嘢)，萬8埋單，由度尺、出圖、運輸、安裝都包哂，係補件補左(咗)幾次麻煩左(咗)d(啲) ，直到依家都無咩問題，果(嗰)d(啲)咩蛇蟲鼠蟻無見過，依家通關上轉深圳有哂樣板睇 」

更有網民直言於深圳訂造傢俬同於香港訂造嘅分別並唔大：「深圳有實鋪(舖)嗰種其實咪同香港傢俬鋪(舖)訂一樣，都會有人上門度尺覆尺出圖，最大分別係有啲咩事叫你去鋪(舖)頭你就要上去一轉咁囉」

有網民分享自己曾於深圳訂造傢俬的經驗，並指傢俬質素並無問題，而亦會有香港師傅上門為訂造傢俬度尺及畫圖等。

揀「蘋果樹」嘅用料及到深圳傢俬城訂造傢俬可避免中伏？
至於喺深圳訂造傢俬可以點樣避免中伏，有網民就推薦選購用料為內地廠商「蘋果樹」出產嘅傢俬：「大陸其中一間靚板廠叫蘋果樹，如果淘寶或大陸傢私(俬)舖話自己用呢隻料又有得揀料價錢差唔遠可以考慮幫襯，隻料唔平，傢私(俬)舖用得呢隻料通常有返咁上下質素，因為佢整錯左(咗)補件成本貴好多」，亦有網民推薦可到深圳嘅傢俬城訂造傢俬：「以前去深圳有個傢俬城，唔記得邊個站名，入面好多香港訂造傢俬鋪(舖)，大部份有香港師博跟」

有網民推薦選購一些訂造傢俬為選用內地廠商「蘋果樹」所產的材料。

亦有網民推薦可到深圳傢俬城訂造傢俬，並指傢俬城內有不少傢俬店專門提供香港傢俬訂造服務。

text/Jonathan
photo/HKET圖片庫

============
同場加映：
【蝸居睇樓團】保良局青年綠洲宿舍 $1,775起入住！ 獨立衛浴、開放式廚房、SINOMAX床褥 續約要做義工？