如果大家有搭車經過九龍塘窩打老道與對衡道交界，有無留意過有一座綠色嘅建築物呢？原來呢座正係香港最富有嘅印度籍名門望族夏利里拉家族嘅住宅夏利萊大宅（Harilela Mansion），究竟入面有幾豪華？點樣展示印度文化特色呢？日前播嘅電視節目《成人教科書》，就參觀咗來自印度嘅12歲小朋友Shahan Chellaram所住嘅豪宅，原來Shahan正是夏利里拉家族成員，呢間綠色巨宅佔地超過5萬平方呎，真係大到會「蕩失路」，而入面嘅奢華程度，真係令大家都大開眼界呀！
這間豪宅建於1960年代，由Shahan嘅祖父及兄弟所建，曾經試過有超過100人在裏面居住。大宅以高牆圍着，原來分為新舊兩翼，樓高3層，以印度姬陵式設計，另設一層地庫，可以停泊70輛汽車。。全座大宅總面積超過50,000平方呎，共有90個房間（40間睡房、40間浴室），多個裝飾宏偉嘅客、飯廳、一個設有75座位嘅電影院，另有祈禱室、保齡球場、健身房、桑拿房、游泳池、按摩浴池、酒吧區等。
位於九龍塘窩打老道與對衡道交界嘅「神秘」綠色豪宅，原來就係香港印度裔富豪望族夏利里拉家族嘅住宅夏利萊大宅。
大宅建於1960年代，即使未能入內參觀，單在圍牆上已經有具印度特色嘅裝飾。
於2012年去世嘅前家族主人夏利萊曾喺訪問入面，指自己雖身為長輩，有權去每個房間，但佢連搵自己兒子，都需要事先給兒子打電話！而Shahan喺節目入面亦分享，每次有人讚佢屋企好大時，佢都不知點樣反應，每次均只會禮貌地以「Thank you」來回應。
住喺呢間豪宅嘅12歲小朋友Shahan Chellaram，係夏利里拉家族成員。
花園有噴水池，於舉行派對及宴會時仲會有燈光。
室內牆壁及天花，都有大型印度主題壁畫。
家中有大型活動室，係家族舉行活動嘅場地，而聖誕及新年派對等活動亦喺呢度進行。
當要舉行正婚禮或派對，亦會喺呢度舉行雞尾酒會。
另一個飯廳叫「蒙兀兒廳」，因為採用咗印度嘅蒙兀兒建築風格而命名，入面可見有唔少對稱嘅拱形設計，椅子及酒吧都鑲咗青銅，氣派高貴，通常係用嚟舉行正式派對同婚禮。
呢個係家族第一代人食飯嘅飯廳，亦係舉行家族會議嘅地方。
而呢一個氣氛比較輕鬆嘅房間，就係家中較年輕一代，好似Shahan同佢嘅表親一齊食飯或休憩嘅地方。
呢間係同Shahan不同輩份嘅表親，進食及休憩嘅房間。
作為全屋主要裝飾嘅大型水晶吊燈。
在弧形樓梯下有大型雕像，有博物館嘅氣派。
text/Joyce
photo/HKET圖片庫、《成人教科書》節目截圖
============
同場加映：
【蝸居睇樓團】保良局青年綠洲宿舍 $1,775起入住！ 獨立衛浴、開放式廚房、SINOMAX床褥 續約要做義工？
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
