4月又係換季嘅時候，每逢轉季執衣櫃真係好煩惱！如果大家有好多唔要嘅舊衫、唔啱著同過時嘅衣服想一次過清走，但又唔想浪費就可以捐畀有需要嘅人。民政事務總署目前喺全港18區一共設置咗182個舊衣回收箱，方便市民捐贈舊衣，以支持環保及作慈善用途。
「 社區舊衣回收箱計劃 」係由政府同4個非政府機構包括：香港地球之友、基督教勵行會、救世軍及長春社合作推行嘅計劃，所有嘅回收舊衣及售賣舊衣物嘅收益都會用作慈善用途。
捐贈前有咩要留意？
捐出衣物前，要確保衣物乾淨整齊，可以清潔及包好。記得檢查清楚有冇遺留個人物品喺要捐贈嘅衣物內。
有咩捐得／唔捐得？
可接受嘅衣物：全新或二手嘅清潔衣服、鞋、手袋、背包、頸巾同埋公仔。
不適合捐贈嘅物品：破損衣物、制服、二手床褥或床上用品、二手內衣、毛巾 、襪等貼身衣物及皮草產品。
如果舊衣回收箱滿咗，或有大量衣物需要回收，可以點做？
舊衣回收箱會進行定期回收，每星期最少兩次。如發現舊衣回收箱滿咗，可以聯絡負責營運的非政府機構安排清理。
部份非政府機構亦有提供上門回收服務，若有大量衣物需要回收，可直接聯絡他們了解更多。
【Info】
舊衣回收地址及詳情
網址：https://bit.ly/41aM1uy
Text／ bee
Source/ 香港民政事務總署
============
同場加映：
【蝸居睇樓團】保良局青年綠洲宿舍 $1,775起入住！ 獨立衛浴、開放式廚房、SINOMAX床褥 續約要做義工？
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
