復活節長假期，各位有無同家人去咗外地旅行呢？一家大細攞住行李喼來回機場，如果唔係自駕，最方便當然係搭的士。但有無諗過，如果行李唔大件，可以塞入座位唔使放喺車尾箱，係咪就唔使畀行李費呢？會唔會有邊類大型物品可以有豁免呢？但另一方面，有的士司機就喺群組控訴，話有乘客乘客攞住4 個喼搭的士，竟然無頼地唔肯畀行李費！電視節目《LAW霸女神》就請到律師解答咗有關問題喇！
有的士司機於fb群組「的士司機資訊網 Taxi」發文，指日前於港珠澳大橋接載咗兩名攞住4個行李箱嘅乘客，而司機更指自己好似苦力咁，辛辛苦苦將該4件行李好整齊地排放喺車尾箱，而行李費為每件6元，理應收取合共24元行李費，但對方拒付，仲怒斥司機為「黑的」，全程不斷騷擾司機，好在司機定力夠，最後接載乘客到旺角嘅酒店目的地後先報警，但點知警察到場擾攘咗半個鐘後，警察攞咗把尺出嚟，喺度度行李箱大細，然後話當中3 個行箱細過140厘米，無得收行李費，最後司機只能收取6 元行李費，慨嘆「現在真真實實感受，原來的士司機（是）被剝削最嚴重一群」。
有的士司機喺發文，指乘客帶住4 件行李，並且已幫手將行李放入車尾箱，但乘客拒絕畀行李費。
最後警方用尺度完行李，話當中三件行李細過140厘米，最後司機只能收取一件行李費。
喺電視節目《LAW霸女神》入面，根據梁永鏗律師所講，依照《道路交通（公共服務車輛）規例》第47（3）條，的士乘客可在乘客車廂內，免費攜帶輕巧行李，咁點先待合「輕巧行李」？原來根據運輸署嘅《的士則例簡介》，「輕巧行李」係指長、闊及高度嘅總和，唔超過140厘米，但呢個並非法律，只係一個指引。所以理論上只要行李大細超過呢個規定，的士司機就可以收取行李費，無論放喺車尾箱還是乘客座位。
梁永鏗律師指行李嘅長、闊及高度嘅總和，超過140厘米，就要畀行李費。
另一方面，根據《道路交通（公共服務車輛）規例》第41條，如果乘客攜同「厭惡性質的貨物」，的士司機係有權可以唔准乘客上車。同時根據同一條例第47（4）條，如果的士乘客屬傷殘人士，其輪椅及拐杖可獲豁免行李附加費，但如果只係幫傷殘人士帶貨，就不能獲豁免。
如果的士乘客屬傷殘人士，其輪椅及拐杖可獲豁免行李附加費。
text/Joyce
photo/的士司機資訊網 Taxi@Facebook、《LAW霸女神》畫面截圖、HKET圖片庫
============
同場加映：
【家居達人】「家務天后」教你KO屋企頑固污漬
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
