死慳死抵儲錢買層樓，諗住裝修得靚靚哋，住得舒服啲。點知遇着裝修黑店，分分鐘爛尾收場。唔想咁樣，可以點算好？！其實有好多嘢都可以避免發生，等裝修專家例出 5 點，黑店常用招數，等大家減低 total lost 嘅風險。
============
同場加映：
【家居達人】記者實測！8款市面消暑降溫用品 : 最新冷感頸環、冰凍噴霧、濕紙巾等 邊款最有效？最勁降2.6°C！
============
專家教你
認清黑店常用招數
想為打造自己夢想中嘅安樂蝸，但遇到一間黑店嘅裝修公司，貨不對辦不突止，隨時爛尾收場。究竟，點樣可以保障自己，遠離「黑店」呢？裝修學院院長 Simon 就話畀大家知，其實裝修「黑店」係有跡可尋，仲幫大家分析兼例出 5 點「黑店」常見招數，等大家可以減低遇到黑店嘅機會。
Check Point 1
三無公司
乜嘢叫三無公司呢？ Simon 表示就係「無商業登記」即代表無論發生甚麼事，都無法控告對方，唔需要負法律責任、「無起貨單位」就係冇起貨單位（冇工作），又或無之前做過嘅 reference 畀你睇，至於「無公開資料」，指完全搵唔到關於公司嘅資訊，連社交平台或網頁都無。
Check Point 2
有破產記錄
Simon 就話呢個案例其實幾常見，就係有唔少個案就係曾經有騙徒 5 年破產一次，過咗法例期限之外，就無紀錄可追查。所以騙徒可以一次過接好多單工程，收錢之後就走佬。
Check Point 3
官司纏身
根據資料顯示，唔少公司喺「破產」之前，會有 6、7單官司纏身如小額錢債案，而且有大量未找嘅街數。與 Check Point 2 提及過一樣。 Simon 提醒大家，其實為保障自己，最好喺簽約或落訂時，搵查察公司調查一下，公司過去的記錄。
Check Point 4
古怪條款
就係一般公司唔會有嘅條款，而佢有。即係有好多不明付款期或者附加費，令你睇到一頭霧水，之後喺唔清唔楚嘅情況下，變咗水魚。
Check Point 5
提出過份承諾
「過份承諾」唔一定指係對佢有利承諾，而係講一啲你覺得合理，但又唔會實現到嘅事，好似「工程唔會延期」或者「保證不會有手尾」等等。
--------------------------------------
【info】
資料來源：https://bit.ly/3MDFynD
Text / Tabo@chibi
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
