將軍澳再現「放蟹」男 拖3隻肉蟹烈日下散步 網友笑:越睇越肚餓!

文: 辛曦桐
2023.04.18

繼早前將軍澳康城出現帶活魚散步的奇女子後,近日又有將軍澳網友發現「放蟹」男,在烈日當空下帶著3隻相當肥美的肉蟹在單車徑散步,場面相當怪異,更令旁觀的網友大呼:越睇越肚餓, 好想知道佢主人平時點面對呢種誘惑!

近日有網友在社交平台Facebook群組「將軍澳主場」上分享了兩張照片,當中可見有一名男子在將軍澳新都城中心二期對開單車徑位置,為3隻肉蟹綁上尼龍繩,並將牠們置於地面之上,疑似正在與他們散步,場面震撼路人,同時幽默的在場網友就感嘆:「越睇越肚餓~ 好想知道佢主人平時點面對呢種誘惑。」

同場加映:【著數慳家王】深水埗$190酒店級牛扒餐附90分鐘任食薯條!必試極鬆軟安格斯封門柳+澳洲M7和牛


事件亦引來了不少網友進行討論,爆笑指出:「我知!呢隻叫走地蟹!」、「行行下熟左」、「咦呢啲咪就係菜單裏面嘅賽螃蟹」、「真係slow cook?」、「寵物?定養肥D 先食?」、「識唔識比手手?」。但同時亦有網友批評男子做法,稱:「分明係虐待動物」、「虐待?水性動物,但綁佢去曬太陽散步....」,認為男子行為是傷害動物的殘忍行為。

然而連日出現活魚以及活蟹散步事件,不禁令人懷疑事件並非巧合。對此近日就有一間食品網上商店於其Facebook專頁 「Freshmeta 街市網」上發文,提到:「最近好多人喺啲group度報料,話好多新鮮食材通街走!仲話賣魚勝見到都會bear一聲...其實,單嘢正正係我賣魚勝做嘅。」,指出連日來的活魚以及活蟹散步等事件該是他們所為,目的是為了宣傳其商店新鮮食材,揭開連日真相!

圖片來源:將軍澳主場Freshmeta 街市網

延伸閲讀:

將軍澳康城驚現奇女子帶活魚散步 背後竟為一個原因 網友爆笑:條魚個樣O晒嘴!

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓