香港多區街頭湧現神秘街招厚酬急尋初心引熱議 呼告「我要搵返初心呀」惹網民共鳴

文: 羅志宏
2023.04.19

時代巨輪每日行走著,人為了生活而營營役役地工作,社會磨掉了你和我的稜角,讓你和我的初心消失殆盡,這位「積先生」亦然。近日,香港多區街頭湧現神秘街招,聲稱「最近唔見咗一樣好重要嘅嘢」,貼文者表示願以「厚酬」急尋初心。事隔一天,原來係關呢位歌手事!

這位「積先生」近日在香港多區張貼神秘街招,寫明「急尋初心」,不少網民接連在觀塘、銅鑼灣、旺角、尖沙咀街頭見到,因而引發好奇猜測。街招來自一名署名為「積先生」的人,更附上了聯絡電話。

「積先生」在街招上寫明自己「最近唔見咗一樣好重要嘅嘢」,並感慨「人大咗,呢樣嘢已經愈來愈遠,就好似一條魚離開咗水池,一支花無咗陽光,一個人無咗自己咁。呢樣嘢好似叫初心,我要搵返初心呀!」更表示願以「厚酬」答謝。

神秘街招事件火速在網絡上引起熱烈討論,不少網民就好奇「積先生」是否打錯字,笑言有可能是尋「初戀」或「初音」;同時亦有人祝願「積先生」可以成功找回自己嘅初心,畢竟任世間低估你,都不應輕易放棄自己的夢想同目標。

神秘街招原文如下:

急尋初心
本人積先生,最近唔見咗一樣好重要嘅嘢。
人大咗,呢樣嘢已經愈來愈遠,就好似一條魚離開咗水池,一支花無咗陽光,一個人無咗自己咁。呢樣嘢好似叫初心,我要搵返初心呀!
如尋回本人嘅初心,煩請立即聯络
96793139,厚酬,萬分感謝。
積先生上

 

事隔一日,事情原來有戲劇性大超級驚喜!想急尋初心的原來是今年以男新人姿態加入樂壇的魏浚笙(Jeffrey)!Jeffrey於19日晚上就在IG社交平台上公布繼出道作《第一個迷》後,第二首推出的個人單曲《遺忘了初心的我們》,並貼上歌曲派台照,見到Jeffrey以背心上陣,大騷麒麟臂,憂鬱眼神相當迷人!Jeffrey公布新歌將於21日上架,而MV將於Jeffrey的生日正日(23日)面世。

同場加映:【衝出嚟玩】日間船P散團出海玩足7小時!夾船單人報名都得!中環出發/包三餐/酒水任飲

 

 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓