日本商品評價網比拼 選５大最佳風筒 邊款有超大送風量？邊款重量同iPhone相若？
呢排天氣潮濕，洗完頭用風筒吹乾頭髮嘅時間都要長啲，有啲「老爺風筒」，又嘈又唔夠風力，趁消費券到手，係時候要考慮買過個新風筒……但究竟買個高質風筒，除咗要夠風力強，仲要考慮乜嘢條件呢？不如睇吓日本雜誌「家電批評」嘅專家講解兼產品比拼，睇吓邊5 款風筒最好用喇！
============
同場加映：
【家居達人】家具顧問親授！MUJI轉季收納慳位法
============
今次嘅比拼主要係啲走高檔路線嘅風筒，有份作評審嘅仲有東京著名髮型Salon「Sugar.c」嘅代表福島康介表示，而家高級風筒嘅賣點及趨勢，係「低溫」同「大風量」，而且因為折疊式風筒愈嚟愈受歡迎，所以「重量輕」亦成為一大趨勢，此外，熱力對頭髮及頭皮會否造成為傷害，以及能否縮短吹乾頭髮所需時間、方便易用程度，亦成為要新式高級風筒嘅賣點。
比拼包括以下要點：1.吹完頭髮後，頭髮睇上去有無光澤，摸上手有無順滑感覺；2.速乾性，即全部頭髮全乾所需嘅時間，以及熱力係咪平均分布；3.送風範圍及風力強度；4.好用程度，例如攞上手嘅感覺、撳掣容易度、有無唔同風力或溫度模式選擇等。
第一位：超大送風量 Panasoinc「 nanocareEH-NA0J」
獲得A+嘅高評價，由於風筒有極大嘅出風口，送風量被譽為史上最多，即使係低溫嘅風亦可令頭髮速乾，測試中只用咗2分35秒就令全部頭髮吹乾，通過thermo camera觀察，送風範圍極廣，風力及溫度亦平均。具有溫冷mode及自動感應溫度mode兩種選擇，亦有4個為保護頭髮及頭皮嘅模式可選擇，吹乾頭髮後頭髮見光澤，有滋潤頭髮嘅感覺。唯一缺點，係風筒非折疊式，收藏時需佔比較多空間。
有炭灰色、薰衣草式及白色三個選擇，甚受女士們歡迎。有特大出風口設計，所以送風量大，而且範圍廣兼風力及溫度平均，獲得極高評價。
評分（5 分為滿分）
1.頭髮嘅光澤及手感：5
2.速乾性及熱力分布：3.5
3.送風範圍及風力強度：4
4.好用度：4
------------------
總推薦度：4.55
第二位：可折疊易攜 ReFa「BEAUTECH DRYER SMART」
獲得A嘅高評價，最大賣點就係流線型嘅設計，雖然外型纖巧但風力意外地強勁，有兩段風力及兩段溫度調節，手柄上有送風掣「mode」、自動programe掣「sense」，操作容易方便，測試中只用咗2分40秒就令全部頭髮吹乾。除風速還有「Scalp」及「Moist」兩個保護頭皮及頭髮模式。同時亦因可折疊，收藏及攜帶容易，適合要攞風筒外出使用人士。
呢個風筒設計靚、外型纖巧但風力意外地強勁好用。
評分（5 分為滿分）
1.頭髮嘅光澤及手感：4.38
2.速乾性及熱力分布：3.5
3.送風範圍及風力強度：5
4.好用度：4.5
----------------------
總推薦度：4.3
第三位：超輕量同iPhone相若 A-Stage「Re・De Hairdry」
同樣獲得A嘅高評價，其中一大賣點係呢款「Re・De Hairdry」，只有255克，而iPhone14 Pro Max嘅重量就係240克，係今次測試嘅風筒中最輕。而且風筒備有特別設計的座枱座，可以唔使手攞住風筒，一面講電話或打機、一面吹頭都可以，即使長時間使用都十分方便慳力。而60度熱嘅強風力，令吹乾頭髮只需1分57秒，表現理想。
風筒備有特別設計的座枱座，可以唔使手攞住風筒吹頭，即使長時間使用都十分方便慳力。
可折疊，方便攜帶。
手柄相當好手感，按掣操作容易。
評分（5 分為滿分）
1.頭髮嘅光澤及手感：4.13
2.速乾性及熱力分布：5
3.送風範圍及風力強度：3
4.好用度：3.5
----------------------
總推薦度：4.08
第四位：兩邊送風口 Sharp 「Plasmacluster IB-WX3」
分左右兩邊送風口，送風範圍廣闊，風量多，令頭髮易乾，測試時吹乾頭髮所需時間為2分9秒，同時具備Hot、Sensing、Beauty、Scalp、Cold、Gentle及App對應模式，相當體貼。不過缺點為機身稍重（590克），如果用家手部細小或者攞得耐，都會比較攰。
呢款風筒吹乾頭髮效率高，惟機身比較重，攞得耐會較易攰。
評分（5 分為滿分）
1.頭髮嘅光澤及手感：4.19
2.速乾性及熱力分布：4.25
3.送風範圍及風力強度：4.5
4.好用度：2.5
----------------------
總推薦度：3.96
第四位：Set 頭效果好 Ya-Man 「Bright Dryer」
同列第四位嘅Ya-Man「Bright Dryer」，髮型師認為set頭效果良好，頭髮亦有光澤感，送風範圍亦平均，可惜風力比較弱，測試中吹乾頭髮需時2分47秒，同時機身略重（450克），亦為美中不足之處。
評分（5 分為滿分）
1.頭髮嘅光澤及手感：4.38
2.速乾性及熱力分布：3.5
3.送風範圍及風力強度：3.5
4.好用度：3
----------------------
總推薦度：3.96
text/Joyce
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
