容祖兒8場澳門演唱會圓滿結束 Joey樂做工作狂!馬不停蹄籌備7月香港個唱

文: 王庭芝
2023.04.23

樂壇天后容祖兒8場澳門演唱會《Eternity 容祖兒演唱會》今日圓滿結束。一連四個星期的六及日都於澳門渡過,Joey坦言非常不捨得歌迷。今年7月,Joey就會返香港開騷,她表示一完澳門騷就著手籌備香港演出,認真勤力!

等足三年重返香港開騷,舞台上Joey說:「冇諗過隔咁耐先可以見大家,呢三年來經驗教咗我好多好多,好重要一點,要活在當下,所以我地要好好珍惜當下,有幾大聲叫幾大聲,珍惜今日緣份!好開心四月有咁嘅周末,都可以同大家渡過,每個星期六日都同大家一齊真係好難忘...。」為這次演出,她又特別再練多首鋼琴自彈自唱了周杰倫為她作曲的《小小》,祖Joey謂鋼琴現在識彈兩首,回港後再諗下是不是再學多首,又問大家最想她學彈邊首新歌,下次演出時可以彈給大家聽。

 

 

演唱會來到尾聲,Joey親切地跟觀眾打招呼,有觀眾送上電話叫她合照她都有求必應,有小妹妹觀眾見祖兒跳到滿頭大汗為她送上紙巾,祖我抹汗後不停讚對方乖,再搞笑把抹過汗的紙巾假裝歸還,繼而即收番,笑言:「唔好要呀!我講笑咋。依家都重係要小心保護......」Joey又坦言自己是一個典形的雙子座,非常神經質,台上的她打扮似好有形,但事實私下生活的她又好神經病:「人生有好多不同狀態,真係要好親好接近我啲朋友先知道,哈哈。」

昨晚Twins阿Sa阿嬌,關志斌、楊太等都有過澳門捧場,祖兒笑言,「你哋咪成日望上去睇佢哋啦,哈哈,想睇佢哋出年年頭啦!」似乎暗示明年Twins有機會開騷,觀眾即大聲歡呼!而於安歌環節,笑言三個最好的朋友來了,「佢哋唱K,最鐘意點我呢首歌,由其鐘意用「子喉」來唱,為左多謝佢哋來支持我,今晚安歌第一首歌就唱「心淡」送俾佢哋!」全場即歡呼四起,萬人大合唱《 心淡》,繼而祖兒叫觀眾點歌,又加唱了《 16 號愛人》場面歡樂又震憾。

Joey表示回港後就馬上為7月香港的演出籌備,影演唱會海報、開會、揀歌、排舞等,雖然忙碌,但又感到很興奮。自她宣佈即將開騷後,不少工作人員電話已被打爆,瘋狂查詢何時可以買飛,Joey笑言:「哎吔...我都唔知,等公司安排好先,相信好快,大家再等等。」 

來源:大會提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓